車氏粵菜軒 (已結業)

知道要到灣仔開會， 早就打電話訂了這間飲茶， 可能因為是藝人效應， 所以特別多人講，趁呢個機會去試下。地方唔算大， 10人枱佔多數， 二人座位只得幾張， 都是在角落位或側邊位置加的， 較為逼夾。車氏筍尖蝦餃， 外皮較厚，沒有玲瓏剔透的外觀， 筍尖太少，完全唔覺有， 幸好蝦新鮮補番數。 义燒腸粉 ok, 粉滑义燒好味，豉油醬汁甜度適中。千層馬拉糕做法跟其他酒樓唔一樣，沒有鹹蛋黃碎在每一夾層，味道如食捲蛋蛋榚，可能是其獨特之處！反都是這個蘿蔔糕最好食，煎得唔過火，食到蘿蔔條，加上有臘味粒，惹味這個星洲蒸魷魚最失敗，想見識下便叫了，就是鮮魷灑了些咖哩粉在上面，咖哩粉淡又無辛辣味， 獻汁都冇，水汪汪，只得鹹味。部長特別推介 - 酥皮叉燒餐包，原來是墨西哥包，餡料是叉燒， 個包熱騰騰， 食落鬆化入口，特別好味。六個點心，連茶錢加一， 約250元，在灣仔商業大厦區，不數貴，但食物質素有待改善。星期一至六，12點45分前結帳，有8折優惠， 想去試的朋友要留意下！