樂茶軒 (香港公園)

營業中

休息中

去香港公園經常路過呢間茶藝館，但無入過去，今次第一次幫襯，但令人極度失望！原來呢間係食齋，要入去睇餐牌才知，所有點心都係齋，本來無問題，只要煑得好食就得，好多齋舖都好好味，呢間茶藝館可能只顧人客去品嚐茶，所以所有點心都淡而無味，完全唔好食！茶有好多種味比客人揀，揀了普洱，但都分好多隻，分別每人叫一款，一款80幾，一款40幾，兩款都好苦澀，尤其是嗰隻2013年陳皮普洱，陳皮蓋過茶味，好似飲陳皮水😖！豆苗雲吞，全無豆苗香味，鮮露筍蝦餃，食齋當然無蝦，食落去只係覺得食緊一舊粉，素絲炒麵，從未食過咁難食嘅炒麵，豪無味道，好似食草，麻醬腸粉，無甜醬無花生醬味，都唔知食咗乜嘢醬，一啲味都無！所謂嘅蜜汁燒餅，無味一劈好粘嘅粉，食落去漿住咗個口，好難食，唯一薑汁糕有啲味道，算唔錯！菜館內好多外國人，我相信啲外國人都唔知啲中國點心唔係咁嘅味。所有食物份量好少，我唔會再去呢間茶藝館！