影片
更多
2013-06-20
281 瀏覽
2013.6.18 - 晴呢間意大利餐廳，隅然會路過，佢既位置跟辦公室有一段距離，一直沒機會試。是日相約食友於北角共進午餐，經食友的推介，決定冒險試一試。由於食友只食過套餐(COMBO)，午市套餐還是第一次。午市套餐選擇非常多，有10幾個套餐，由沙律到意粉、以至扒類及披薩都有。價錢由約$60-$100不等，當然可以散叫菜單食物及飲品(大部分好像全日供應)。大家都挑了比較大路的食物，凱撒沙律配烤雞、龍利柳蜆肉意粉及檸茶、咖啡各一杯。而意大利咖啡的質數是水準之作，估計在意式餐廳點咖啡應該沒大問題。餐飲不消5分鐘上場，更奉上白砂糖一小包。一聞到咖啡的味道，再看咖啡的顏色已心知不妙。餐桌上沒有咖啡糖(黃糖)包供應，本來想不加糖飲，點知試一口後，覺得味道比公司的Nespresso 普通版咖啡豆還要遜色，唯有向白砂糖救助。食物等候時間大約十分鐘，沙律跟意粉係同步上枱。枱面比較細，如果二人一枱又share既話，基本上枱面唔夠位擺放碟子。我地唯有先將意粉解決，再吃沙律。意粉的外形中規中距，龍利柳的份量都算合格。但係找左好耐先找到一隻切碎的蜆肉，有點失落。意粉應該用欖油、香草、醋/檸檬汁炒過，酸味有點重
呢間意大利餐廳，隅然會路過，佢既位置跟辦公室有一段距離，一直沒機會試。
是日相約食友於北角共進午餐，經食友的推介，決定冒險試一試。由於食友只食過套餐(COMBO)，午市套餐還是第一次。午市套餐選擇非常多，有10幾個套餐，由沙律到意粉、以至扒類及披薩都有。價錢由約$60-$100不等，當然可以散叫菜單食物及飲品(大部分好像全日供應)。
大家都挑了比較大路的食物，凱撒沙律配烤雞、龍利柳蜆肉意粉及檸茶、咖啡各一杯。而意大利咖啡的質數是水準之作，估計在意式餐廳點咖啡應該沒大問題。
餐飲不消5分鐘上場，更奉上白砂糖一小包。一聞到咖啡的味道，再看咖啡的顏色已心知不妙。餐桌上沒有咖啡糖(黃糖)包供應，本來想不加糖飲，點知試一口後，覺得味道比公司的Nespresso 普通版咖啡豆還要遜色，唯有向白砂糖救助。食物等候時間大約十分鐘，沙律跟意粉係同步上枱。枱面比較細，如果二人一枱又share既話，基本上枱面唔夠位擺放碟子。我地唯有先將意粉解決，再吃沙律。
意粉的外形中規中距，龍利柳的份量都算合格。但係找左好耐先找到一隻切碎的蜆肉，有點失落。意粉應該用欖油、香草、醋/檸檬汁炒過，酸味有點重。龍利柳加上混合香草煎香，剛剛熟，魚本身的油份保持得很好，但係廚房用左好多鹽去醃魚，相信醃的時間過長，令整片魚柳裡裡外外都鹽味十足、沒有丁點泥鯹味。食友更稱食到鹹魚味(好肯定絕對唔是鯷魚/魚露味)。
接著試凱撒沙律配烤雞。先將烤雞扒一分為二，各人再取點沙律。凱撒沙律上的欖油麵包粒、煙肉粒非常香脆，沙律菜新鮮，有板有眼。再試雞扒，雞扒的烹調方法睇落似煎出來，雞皮好脆(雖然我唔食皮)。我分到的一半比較厚，切開的時候見到少少紅，開頭以為係急凍雞，不以為意，食左一塊。香草味很濃，比起魚柳，鹽份算係正常份量吧。但係我再切的時候....發現雞肉半粉紅，"肉汁"水汪汪就非常確定，果一部分的雞肉最多只有7成熟。食友一早已將雞扒完成，我沒有日本人的勇氣，接受生雞肉，唯有將剩下的雞肉放棄。食到尾聲先發現唔熟，的確好難要求食店再退換。
係禽流感驚魂的時期，好難叫人接受食不熟透的雞肉，我足足擔心左一個下晝，好彩無痾無嘔。建議/意見：
1.餐廳午市時間唔算多人，坐位亦唔多，落單的時候已表明會share食，待應不夠細心，無主動提供公匙公叉，要一再要求先會提供俾食客。
2.與其吝嗇蜆肉的份量，何不以小蜆肉代替大蜆肉碎，或者乾脆只供應龍利柳香草意粉，相信沒有蜆肉的意粉帶俾食客的體驗會更正面、更良好。
3.大部分人都接受唔到唔熟透的雞肉，讓食客等多2分鐘，先上意粉，估計對客人的影響不大。
題外話/補充資料：
不熟透的雞肉，有機會有寄生蟲，同埋帶有細菌(例如大腸桿菌甚至禽流感等)。食客們無論係邊間食肆點雞類食物，建議第一時間睇清楚最厚肉的位置係唔係全熟。
(以上食評乃用戶個人意見 , 並不代表OpenRice之觀點。)
張貼
