李家 (已結業)

從未試過食炸雞，諗住穩穩陣陣搵間頗出名嘅店試下。入到去服務員態度唔係咁好，粗聲聲氣咁叫我地去角落位嘅二人枱，見到其他枱都係4-6人枱，只有角落位係二人枱，無得揀唯有坐角落位。點了蜜糖蒜炸雞 同埋 蒸蛋湯，原來唔係湯，只係好普通嘅蒸蛋，一啲都唔特別。一碟炸雞應該係3人份量，2個人食唔晒，只得甜字，有啲漏，無乜蒜味，微辣，一心想試下韓國炸雞，其實同kfc嘅雞真係無乜分別。其他服務員態度麻麻，都係粗聲粗氣再三提醒用餐時間90分鐘，只得一個韓國叔叔嘅服務員態度好。我諗我都唔會幫襯呢間，係都去翻尖沙咀個間試。