麺処一家 (已結業)

來到尖沙咀，順路探下好耐無見既老朋友麵處一家。午飯時間入到去發現得一枱，個心有啲驚嚇，即刻叫左碗濃厚豚骨魚介醬油拉麵，火炙豬腩肉加慢煮豬肩肉。碗麵來到，個湯感覺好薄，飲一口真係印證左，豚骨味欠奉，魚介失左蹤，醬油就只有咸味，真係失望。然後麵質味道普通，不過不失，配上咁淡身既湯，真係淨食麵仲好。由於湯底太弱，生洋蔥既辣味完全蓋過一切，而配菜方面，豬肩肉略柴口，外皮黑胡椒太強烈，食完豬肉個湯更顯得虛無，火炙豬腩肉太瘦，雖有香味但好乾身。唯一可取之處係糖沁蛋，淡淡醬油香且蛋黃流心，成碗麵最好食，不過要加10蚊先有。睇嚟今次要同老朋友絕交了，傷心難過。