梨泰院 (愉景新城) (已結業)

因為突然想食甜辣炸雞，而朋友不能食辣，所以外賣了一份有骨的半半炸雞（原味+甜辣）我想食既係韓國炸雞，既係有雞胸、雞背等等部位，點知返到屋企打開，全部都係雞翼同鎚😮‍💨😮‍💨大概每款味各有10件左右🔸原味🔸外皮只食到脆粉味，無任何調味料，肉質多汁滑嫩，但肉既調味似茶餐廳炸雞翼，不過不失😋🔹甜辣味🔹肉既調味同原味一樣，而醬汁偏甜，較杰身，唔算辣，小朋友都可以食到😂送既蘿蔔冷盤小食因為放左係炸雞入面變得好熱，第一啖入口好怪，攤返凍食就正常返總味💭味道尚可，如果突然好想食韓國炸雞，而附近唔多選擇都可以一試♥️