神山麺屋 (創紀之城五期(apm))

營業中

休息中

以往黎食服務及食物質素都唔錯 , 但昨晚9點入座 有個帶眼鏡的女同事負責落單 ,我地就叫左2碗 招牌神山沾麵加左個小食 , 點知開頭送餐果個同事話 先比住1碗你地先 , 咁我地就以為另一碗應該仲煮緊...點知過多15分鐘左右 , 我問另一位同事 佢話幫我地跟跟 , ok... 如是者 我再等多15分鐘 見都仲係未有 , 再追問另一位同事 , 果位同事就覆黎緊 , 咁我見佢地咁覆 正常理解應該係有落到單 而唔係漏單 , 再過多15分追問另一個同事，佢答我黎緊啦（好唔耐煩既語氣）。最後都無黎，問多次個男經理先知落漏左單