Rachel's Cookies (已結業)

失望放工一心去買曲奇點知！首先，個地址係錯嘅！個到根本無三樓！當我行暈全層樓終於搵到佢問佢，售貨員只斯斯然地說個地址印錯左！咁點解明知錯你都唔改呀？第二，電話形同虛設！我唔知佢個電話又係錯嘅定係根本無電話總之我打去無人聽，入到鋪頭都聽唔到有電話聲，只見兩位姐姐仔傾得好開心！第三！要咩無咩！要花生糖！無哂試食！要花茶曲奇！無想要嘅味！有啲無得試亦無貨！有啲甚至有試食但無得賣！咁請問我試食來做咩呢？運吉嗎？作為一間餅店，可以最基本嘅資料都提供錯！又客人要個樣無個樣！我都係第一次領教。今日仲要係落住雨，地鐵放工時間有幾迫都唔洗再講！滿懷期望，但極度失望！