影片
更多
2014-04-01
629 瀏覽
RoyRoy講食:想試食東大街新開左間怡景群記爽腩店好耐！今日終於試左。哩間嘢令我好想一試！因為佢咁夠膽喺東大街開，本身已有馳名已久嘅＜安利＞臨立多年！如果唔係有非一般嘅本事邊敢喺度開。落柯打時我梗係叫我最愛嘅肥腩河啦，一間打正招牌做牛嘅舖頭，牛面珠，爽腩等等都有，咁普通嘅肥腩竟然答我無。已經大打折扣。只好叫佢坑腩要肥啲啦！公平啲試埋碗嘢至講。黎到碗嘢望落湯好清，有蘿蔔，有牙菜，炸蒜，仲有條生菜添。喂點解攪到車仔面咁嘅！心諗，咁啲湯味度點會清呢比啲蒜搶哂個味。新開可能想比人感覺抵食啲啦！識食嘅各位梗係第一啖試下啲湯先啦！一飲！我可以推介比一啲唔食牛嘅朋友。因為啖湯除左咸味之外係一啲牛味都無嫁！再食啖河粉！啲粉都未煮開成餅嘢咁。牛腩又唔林，蘿蔔直頭半生熟。淨番啲生菜芽菜唔講啦！仲有值得推薦嘅係佢嘅凍檸茶！唔滑之餘仲好＜鞋＞添仲要一啲茶味都無。想飲一杯啡色凍檸水嘅你一定要試下！
想試食東大街新開左間怡景群記爽腩店好耐！今日終於試左。
哩間嘢令我好想一試！
因為佢咁夠膽喺東大街開，
本身已有馳名已久嘅＜安利＞臨立多年！
如果唔係有非一般嘅本事邊敢喺度開。
落柯打時我梗係叫我最愛嘅肥腩河啦，
一間打正招牌做牛嘅舖頭，牛面珠，爽腩等等都有，咁普通嘅肥腩竟然答我無。
已經大打折扣。
只好叫佢坑腩要肥啲啦！
公平啲試埋碗嘢至講。
黎到碗嘢望落湯好清，
有蘿蔔，有牙菜，炸蒜，
仲有條生菜添。
喂點解攪到車仔面咁嘅！
心諗，
咁啲湯味度點會清呢比啲蒜搶哂個味。
新開可能想比人感覺抵食啲啦！
識食嘅各位梗係第一啖試下啲湯先啦！
一飲！
我可以推介比一啲唔食牛嘅朋友。
因為啖湯除左咸味之外係一啲牛味都無嫁！
再食啖河粉！
啲粉都未煮開成餅嘢咁。
牛腩又唔林，
蘿蔔直頭半生熟。
淨番啲生菜芽菜唔講啦！
仲有值得推薦嘅係佢嘅凍檸茶！
唔滑之餘仲好＜鞋＞添仲要一啲茶味都無。
想飲一杯啡色凍檸水嘅你一定要試下！
張貼