影片
更多
2022-05-29
1530 瀏覽
米芝蓮中菜「潤」招牌西班牙黑豚肉叉燒 hkd 388 ： 收得呢個價錢，梗係俾啲來佬貨你，講究地用上西班牙豬肉，上碟嘅時候見到顏色，肉質嘅形態我都忍唔住PO咗個Store 「未食已經覺得可能會好失望嘅叉燒」，當然身為消費者嘅我梗係希望自己錯啦，首先講講佢嘅顏色「鮮紅色」， 呢啲真係通常喺最低劣嘅燒味店或者喺外國唐人街不三不四中餐先至會見到嘅效果，呢種紅色通常擺碗飯上邊就真係即刻美源髮彩「頭髮染黑晒亦得、得咗」，絕對係唱首「血染的風采」， 我完全諗唔到收呢個價錢竟然會出呢一種染色體嘅叉燒活靈活現喺你面前 😢， 味道偏甜、肉質初食口感鬆化，最後嗰幾下都話偏硬，呢個質素好似天龍軒嗰碟叉燒差唔多，分別就係呢碟個外觀再差一啲. 燒賣： 見佢好多都係以賣相為先決條件，打開點心龍之後見到兩粒燒賣分飛燕、扣分、燒賣質素失望，切肉不分明，同坊間普通燒賣「差不多先生」海苔龍蝦春卷： 我就以為龍蝦肉做嘅春卷，識識吓唔對路點解冇乜龍蝦味唔通我味覺有問題？斗膽問侍應「係唔係放咗啲蝦同豬肉落去」，佢尷尬地回答係呀咩都有啲咁啦，我唔係律師、但係呢個唔知道會唔會違反商品條例呢「笑」點心師傅設計上用咗窩夫皮代替春卷皮，
招牌西班牙黑豚肉叉燒 hkd 388 ： 收得呢個價錢，梗係俾啲來佬貨你，講究地用上西班牙豬肉，上碟嘅時候見到顏色，肉質嘅形態我都忍唔住PO咗個Store 「未食已經覺得可能會好失望嘅叉燒」，當然身為消費者嘅我梗係希望自己錯啦，首先講講佢嘅顏色「鮮紅色」， 呢啲真係通常喺最低劣嘅燒味店或者喺外國唐人街不三不四中餐先至會見到嘅效果，呢種紅色通常擺碗飯上邊就真係即刻美源髮彩「頭髮染黑晒亦得、得咗」，絕對係唱首「血染的風采」， 我完全諗唔到收呢個價錢竟然會出呢一種染色體嘅叉燒活靈活現喺你面前 😢， 味道偏甜、肉質初食口感鬆化，最後嗰幾下都話偏硬，呢個質素好似天龍軒嗰碟叉燒差唔多，分別就係呢碟個外觀再差一啲.
燒賣： 見佢好多都係以賣相為先決條件，打開點心龍之後見到兩粒燒賣分飛燕、扣分、燒賣質素失望，
切肉不分明，同坊間普通燒賣「差不多先生」
海苔龍蝦春卷： 我就以為龍蝦肉做嘅春卷，識識吓唔對路點解冇乜龍蝦味唔通我味覺有問題？斗膽問侍應「係唔係放咗啲蝦同豬肉落去」，佢尷尬地回答係呀咩都有啲咁啦，我唔係律師、但係呢個唔知道會唔會違反商品條例呢「笑」點心師傅設計上用咗窩夫皮代替春卷皮，明顯別出心裁、可惜窩夫皮太硬身，如果食得唔小心，有機會「慘」到牙肉
戀愛世紀蘋果鹹水角： 外表跨啦啦，內裏都唔係吹喇叭，好食嘅多餡料嘅，但係好好奇點解綠色呢，以為是否要帶出什麼特別的味道出來？原來只是設計問題，10分細緻帶點無言「笑」
桂花肉絲蟹肉炒米粉： 10分乾身值得一讚但係與文華廳蟹肉炒米粉完全相差馬拉松式的距離、淡而無味，如果充滿蟹肉我都可以俾你講諗住用蟹肉嘅鮮味你去增強米粉的味道，識上去的時候完全諗起上海灘賭聖橋段，真係想問返佢哋今日係咪我生日點解有咁多蟹肉、又令我諗起武狀元蘇乞兒、嗰啲肉絲直程係肉排嚟㗎「笑」
個人認為最正常嘅就係呢個脆皮鮑魚腸粉，特別，如果呢個鮑汁濃一啲咁就不得了喇，椰果番石榴露都幾清新、一試無妨
我已經盡咗力叫、可惜…….又一個食景的地方
張貼
