麥奀雲吞麵世家 (V City)

營業中

休息中

今日去咗屯門V city呢間麥奀雲吞麵度食嘢。過年趕工趕到甩肺，費事用腦叫咗一個二人餐。兩個細蓉，一個淨水餃同埋蠔油芥蘭。套餐價$168。另外拍檔加$5叫咗個豆漿。呢間雲吞麵保持到水準；正宗廣東雲吞麵，雲吞細細粒；鹼水麵底有咬口。水餃都好味大大粒有五粒，蠔油芥蘭綠油油非常鮮甜。份量係細啲，對我哋男士嚟講只係下午茶份量，貴精不.貴多啦。拍檔買多咗支大地魚粉，埋單二百幾蚊，一分錢一分貨。年尾趕工咁辛苦老虎蟹都要對自己好啲。