Lemongrass (已結業)

本身好少黎奧海城，今日咁岩經過就搵下有咩好野食，不過好多餐廳都係其他商場常常出現既，見呢間lemongrass門面幾靚又少見，一於就入去試下。呢間係食泰菜既，門口都擺左好多泰式零食飲品玩具擺設等等，嘗試製造泰式風情。首先叫左個沙律，青木瓜酸酸辣辣好惹味，個汁仲落左蝦皮，令味道更豐富層次更多；鳳爪都唔少，撈埋落青木瓜個汁就變得好好食，鬆軟爽口。之後有諗過點冬蔭公，不過見到呢個冬蔭煮花螺，就即刻叫左了。其實佢唔算好冬蔭，反而似泰式酸辣醬，個底係濃稠既，酸酸甜甜既，幾好味。值得一提既係佢既花螺真係太多，食到手軟！黎食泰菜點可以唔食咖哩，叫左呢個瑪沙曼咖哩加鬆餅。咖哩唔辣，甜甜的，配菜有洋蔥蕃茄等，牛腩都唔少，切得細件食落好方便。當然配埋鬆餅啦，佢真心鬆同酥，熱辣辣上枱好好味，一啖接一啖根本停唔到口，仲encore 左一碟，為全晚高潮。另外推介呢度既蟹，半價呀！睇落都好好食，亦得店員熱烈推介，不過同行友人唔食蟹，今次就無叫囉。