影片
更多
2013-08-18
1634 瀏覽
尋日(17-8-2013 Sat)從容(音聳擁)爸爸夜晚一齊出街食飯,朝早我book呢間三人7:30pm,而今次佢終於肯聽喇,不過接近中午,有個女職員打電話畀我,話今晚好full,問我可唔可以改早啲或晏啲?我問佢會係幾點?佢答6:30pm或8:30pm. 心諗唔係啲啲,係成個鐘喎.我問可唔可以7:00pm?佢答唔得,hold唔到半個鐘.我唯有答應6:30pm啦,因為爸爸唔可以咁晏食飯,但我話未必齊晒人,會有一個遲啲.佢答可以.我同爸爸落去,男友就放工即走去,6:32pm,男友call我話到o左,我同爸爸o岩o岩o係前一個商場出去.我叫佢先攞位,之後我o地都到喇.我o地被安排坐卡位,男友同我講,佢攞枱時亞姐黑口黑面話再遲啲唔畀. 唔使咁惡o掛?我同爸爸被人群所阻,我o地前後都係係遲3-4分鐘,唔算好離譜o掛?我就負責揀o野食,男友洗o野,我要$63.00o既沙拉骨,亞姐即sell蜆定花甲之類,但爸爸話要$128.00o既酥炸桶蠔.我即話要酥炸桶蠔,然後要豬天梯,亞姐問係咪客家豬天梯?我答係.然後我問好似有咩蛋卷?佢話客家蛋卷煲.我答係,就咁四樣啦.睇睇張單,呢兩樣都係$68.00.落
我問可唔可以7:00pm?佢答唔得,hold唔到半個鐘.我唯有答應6:30pm啦,因為爸爸唔可以咁晏食飯,但我話未必齊晒人,會有一個遲啲.佢答可以.
我同爸爸落去,男友就放工即走去,6:32pm,男友call我話到o左,我同爸爸o岩o岩o係前一個商場出去.我叫佢先攞位,之後我o地都到喇.
我o地被安排坐卡位,男友同我講,佢攞枱時亞姐黑口黑面話再遲啲唔畀. 唔使咁惡o掛?我同爸爸被人群所阻,我o地前後都係係遲3-4分鐘,唔算好離譜o掛?
我就負責揀o野食,男友洗o野,我要$63.00o既沙拉骨,亞姐即sell蜆定花甲之類,但爸爸話要$128.00o既酥炸桶蠔.我即話要酥炸桶蠔,然後要豬天梯,亞姐問係咪客家豬天梯?我答係.然後我問好似有咩蛋卷?佢話客家蛋卷煲.我答係,就咁四樣啦.睇睇張單,呢兩樣都係$68.00.
落好單,亞姐都順手執走裝洗o野o既污水盤時,提我o地未洗筷子.哈哈!
好快,沙拉骨先到,爸爸就即刻話要飯,爸爸要一個,男友話唔要,咁我話要兩個白飯;然後爸爸又話要橙汁,男友要忌廉,我唔飲汽水,就咁決定.
沙拉骨顏色好靚,食落,味道比咕嚕肉酸,一向食唔到酸o野o既爸爸,食一件就唔食喇.呢個啖啖肉亦唔會好肥,又只有少少碎骨,肉質鬆軟,我o地食到好飽.然後酥炸桶蠔到o黎,亞姐話飯要等一陣,因為勺晒.
大大隻桶蠔共六隻,睇見唔係好油,食落,脆漿好薄,但蠔味好似唔多夠.之後係客家豬天梯,
個樣同桂花蚌有啲似,食落冇乜味,只食爽口同勁彈牙o既口感,亦有啲似軟骨,我o地要蘸隨酥炸桶蠔上o既喼汁或辣椒油食.兩碗白飯到喇,
睇見好好乾身,應該麻麻,但點知原來都唔算好乾,口感又正常.等o左一陣客家蛋卷煲終於到o黎,
有八件脹卜卜蛋卷,蛋卷好有蛋香,內裡全部都係豬肉,
味道清清,而湯係落o左唔少胡椒粉.爸爸一早就收手,只有我同男友清,好鬼飽.
我o地食完走人都只係7:32pm,都仍有位呢.
服務:
o係文中已經講o左,唔係o黎攞位時個亞姐黑面,我都會畀滿分佢.
環境:
可能有訂位,所以佢o地留室內卡位畀我o地.
價錢係$359.00,估計白飯每碗$10.00,汽水每罐$6.00
味道分係3.7分
張貼
