茶木‧台式休閒餐廳 (屯門市廣場1期)

營業中

休息中

今日逛街行到咁上下，又到開飯時間，咁就揀咗最就腳嘅茶木Teawood。呢度嘅lunch set都有幾多選擇，我揀咗價值 $70 嘅午市自選套餐，主食台式蚵仔煎，配紅燒牛肉手作麵，另有前菜和飲品。等咗一陣，套餐好快上枱。前菜細細份，有麻辣鷄腎、醬漬雪菜毛豆同半隻古早味鹵水蛋。蚵仔煎堅係台式煮法，仲加埋菜，不過蠔仔數目好少，而且味道麻麻。反而牛肉麵較為出色，湯底夠味，啲麵煙煙韌韌有咬口，湯裡面仲有一兩片薄薄嘅紅燒牛肉。餐飲係熱柚子茶，淡咗啲，唔係好夠味。整體而言，水準一般。