皇后餃子

營業中

休息中

個名叫皇后餃子，感覺好似好貴氣，價值亦都真係唔平，所以一直心思思想試都係無試到。不過難得今日想食餃子就黎試試佢。本身想叫鮮肉椰菜餃，點知賣晒，真係咁好食？！之後唯有叫鮮肉芫茜餃，因為好似未見過咁既餃就試下。鮮肉芫茜餃 8隻 $50加豆漿 +$6餃子睇落感覺都算飽滿，湯底係普通雲吞麵湯底，個湯好普通，餃子第一啖咬都幾新奇，好fresh既感覺。皮薄，每隻都算係滿既，不過就唔係真係好脹卜卜咁。除左第一啖食完覺得唔錯之外，之後每一啖其實普普通通，唔特別。$50 8隻個人覺得少貴，不過豆漿係味道唔錯既，而且加$6就有。可能會黎多次試下佢個椰菜餃。餃子黎講佢都算貴。不過灣仔呢個地方咩都貴又真係無啖好食，$50 係灣仔算係還好啦，其他區真係搵鬼食。另外佢有提供菜脯，還好。總結今次食真係好一般。