意粉 360 (已結業)

上個禮拜黎左呢度食lunch，都算好多選擇。又唔算太貴，午餐時間又唔算多人，坐得好舒服。忌廉蘑菇湯其實都幾好飲，不過有種好似唔知邊度飲過既味道。脆炸一口豬呢個係優惠券送既，味道唔錯。炸得好香口，細細舊既豬柳配上沙律醬真係好夾。不過有兩舊豬柳就韌左小小。帶子海鮮石頭鍋飯呢個又幾好食，個汁係忌廉汁。帶子同海鮮既份量都幾多。又有紅椒、黃椒整到個飯好睇。忌廉汁好濃味，飯都唔錯既。而飯焦都有幾多，仲夾埋小小芝士，係一個幾好食既石頭鍋飯。玫瑰軟滑冰幾得意既特飲，好香玫瑰味。又有小小奶味，好有軟滑冰既feel。杯飲品又唔算太甜，飲得過既。野食真係唔錯，服務都幾好架。成日幫人加水，效率又高。價位又唔高，實有下次既。