影片
更多
2009-11-10
9 瀏覽
為左呢間餐廳，我決定開個 account，幫佢地打打氣 .......今日諗住趁 weekend 食餐喪既，咁一心諗住去食buffet 啦，咁呢排我有中左韓國毒，咁就諗住去旺角食漢陽苑啦 ........點知我地受到不公平既對待，我上去既時候一個人都無，但係佢地就要我地等，等無所謂，點知，眼見後黎既四人、八人、再四人，到最後既十一人都入得去，咁點解容納唔到我地兩個呢 ? 我地咪走去同佢地理論啦，答案係：人地訂左枱架，有既盡快比你地入啦 ........ 下 ? 我明明聽住個十一個人問：十一個，要唔要等，有無位架喎 ....... 既然係咁，算啦，旺角你慌無野好食呀 .......咁正當我地兩個係度研究食咩好之際，我地兩個不約而同諗起頭先泊完車，路過果間鐵板燒啦，就係咁就比我地無意中發現左呢間超正既餐廳........講個秘密比大家知啦，不過講出黎唔好笑喎，我咁大個女都未食過鐵板燒架，唔知會唔會食到成身味 ? 同埋會有好多油煙架呢 ?(答案係：絕對唔會，有無留意個鐵板有抽煙系統架!)入到去，佢地本身安排我地坐普通枱，但係黎得食鐵板燒，睇電視都係左 bar 枱架啦，所以我地就選擇左坐 ba
今日諗住趁 weekend 食餐喪既，咁一心諗住去食buffet 啦，咁呢排我有中左韓國毒，咁就諗住去旺角食漢陽苑啦 ........
點知我地受到不公平既對待，我上去既時候一個人都無，但係佢地就要我地等，等無所謂，點知，眼見後黎既四人、八人、再四人，到最後既十一人都入得去，咁點解容納唔到我地兩個呢 ? 我地咪走去同佢地理論啦，答案係：人地訂左枱架，有既盡快比你地入啦 ........ 下 ? 我明明聽住個十一個人問：十一個，要唔要等，有無位架喎 ....... 既然係咁，算啦，旺角你慌無野好食呀 .......
咁正當我地兩個係度研究食咩好之際，我地兩個不約而同諗起頭先泊完車，路過果間鐵板燒啦，就係咁就比我地無意中發現左呢間超正既餐廳........
講個秘密比大家知啦，不過講出黎唔好笑喎，我咁大個女都未食過鐵板燒架，唔知會唔會食到成身味 ? 同埋會有好多油煙架呢 ?
(答案係：絕對唔會，有無留意個鐵板有抽煙系統架!)
入到去，佢地本身安排我地坐普通枱，但係黎得食鐵板燒，睇電視都係左 bar 枱架啦，所以我地就選擇左坐 bar 枱啦，咁佢地都相當歡迎 .........
入到黎唔知食咩好，見佢有個 set，$138 幾抵喎，仲要四道菜都係二選一，咁就唔好煩，就兩set 每樣一個，咁就試得晒啦........
餐具幾咁精緻，仲要差不多食一味，佢地就同我地換碟啦，今時今日有咁既服務態度呢...... 真係超一流呀.......
先黎個前菜：凍豆腐
兩個都係一樣既沙律 .......
本身個set定左係食三文魚刺生(四件) or 三文魚壽司(四件)，咁我地兩個都唔食三文魚，咁我地問佢可唔可以轉啦，佢話得，不過就少一件，但係換返黎既係油甘魚同劍魚腩喎，仲想點呀，貴價野喎，仲要好新鮮，好大件好正呀......
主菜一 ( 其中二選一 )：牛油帶子
主菜一 ( 其中二選一 )：係鵝肝呀....... 入口就化，又香又滑 ........ ( 我地仲回想起我地兩個當年第一次食既有幾難食，就係佢令到我地咁多年都怕左食，近排先發覺係咁好味架 ! )
咁呢個就係自己 order 既羊架，事關我真係好鍾意食羊架，呢個羊好香又有羊既"騷"味，超正呀 .......
主菜二 ( 其中二選一 )：西冷牛扒 ........ 連上面既蒜片都係係你面前即整架，好香牛味，好軟，好 .........
主菜二 ( 其中二選一 )：薄燒牛 ....... 內有乾坤架 ........ 入面仲要卷主 d 料架 ......... 唔好諗住佢咁薄就會無咁好食，咁你地就錯啦，佢都係好香，好有牛味，好 ........
主菜三 ( 其中二選一 )：炒雜菜 .........
主菜三 ( 其中二選一 )：炒菇菇 ........
主菜四 ( 其中二選一 )：手打烏冬 ........ 起初見佢條蟹柳白雪雪以前唔多好味，但係我真係唔多食過蟹柳有佢咁有蟹味架，手打烏冬就更加唔洗多講啦 ........
主菜四 ( 其中二選一 )：炒飯 ........ 用頭先塊西冷切出黎既肥糕，再煎d 油出黎炒，所以連d 飯，粒粒都有牛肉既香味架 ........
由於個鵝肝實在太好味喇，食過返尋味，所以我地決定"安歌" .......
唯一我地評論唔到既，就係呢碗我地唔飲既麵豉湯，唔係話佢唔好飲，只係我地兩個都真係唔飲架啫 .......
我地食都七七八八啦，其中一個師傅好禮貌咁問我地：夠唔夠呀 ? 咁我地都以為人地巡例問下啫，點知佢原來係話想請我地食既串燒牛舌喎，咁請既就更係食啦 ........ 好爽，好香，好 ........
其中有枱人食完個炒日本紫心蕃薯之後，不停咁話好好味，所以我地都叫埋一份，試下係咪真係咁好食啦 ....... 結果就真係 ........
咁我地食食下碟蕃薯，我就同加蛋傾下架，講下由錢老師講比我聽既黃子華笑話，傾傾下，師傅又走埋黎話：你地唔飲酒架 ? 我地就話唔係啦，咁佢就話：食呢 d 香口野，又點可以唔用酒送架，我請你地飲啦 ........
結果，佢仲要好細心咁話，男士要揸車，飲少 d 啦，咁我地都諗住請得既都係細細杯啫，點知 ........ 用料十十足，左邊：加蛋既清酒梳打，右邊：我既梅酒梳打 ........
係師傅調酒既過程，我地碟蕃薯已經食得七七八八啦，結果師傅又好好人咁送多碟比我地喎，嘩 ........ 真係細心到呢 ........
其實呢碟蕃薯，係事先將蕃薯切薄片，再用180度火炸好，食之前先係鐵板到炒熱，真係好用心整架 ........
最尾，我地埋單走人啦，佢地都要留住我，話要請埋我地食甜品先得喎 ........
其實加蛋話齋，食野原來係可以咁享受，雖然成個過程食左差不多成三個鐘，但係真係好開心，好好味 ........
不過我要補充既係，成晚連埋我地兩個都係得三枱客，唔知係咪無咩客，所以先有咁既服務態度下 ........
原來呢間係隔壁金水壽司老闆開既高檔少少既，開左只係有三個禮拜咋 ......
我諗大家都好想知，我地咁食法，食左幾多錢呢 ?
以前成日聽朋友講食親鐵板燒都過千，所以成日都覺得會好貴，但係今晚，我地咁食法都係盛惠：$555 咋，我地兩個都覺得絕對係物超所值，我地絕對會係不久既日子再返黎架 .......
不過我諗我今餐咁食法，我之前果六磅都係凍過水啦 .......
張貼
