影片
更多
2022-01-07
331 瀏覽
大家千祈唔好比個LED WALL呃左！成間餐廳就係得呢個唯一賣點！食物同服務都好唔掂😫一行四人訂咗$1350一位晚市omakase, 埋單$1500一位！先唔好講啲壽司質素真係好平凡好普通，Toro一件都冇 （我隔離枱二個女人好嬲同啲師傅投訴，當然師傅只係自圓其說就冇理佢），海膽仲要黑嘅（有圖），啲師傅好後生全部都係學徒咁嘅質素⋯其實一開始坐低已經想起身走，但又俾咗每人$300訂金共$1200⋯一坐低成十分鍾係冇侍應理你，咁我哋咪主動問佢拎wine list同放袋嘅藤籃，侍應話未有酒牌，跟住又叫我哋等等，又等多10分鐘後先通知我哋喺佢零售嗰邊買，買咗支720ml 「作」，支酒買完擺咗喺枱，結果成15分鐘都一路冇人幫我哋開酒同俾酒杯，係我哋自己嘗試開唔到喇，再叫佢過嚟幫我哋開😠到第二道omakase sushi上左，我哋又發現根本冇俾豉油碟我哋⋯又要問佢拎⋯又要等多10分鐘⋯最後，訂位時一早講明慶祝生日，餐廳明明話會送件蛋糕仔，結果四個人佢比得三份蜜瓜生果（跟餐唯一嘅甜品），再加件只係牙籤咁長咁細件嘅芝士slide cake,問佢係咪漏咗份跟餐嘅蜜瓜呢，佢就話因為俾咗件蛋糕仔我哋就冇生果
一行四人訂咗$1350一位晚市omakase, 埋單$1500一位！
先唔好講啲壽司質素真係好平凡好普通，Toro一件都冇 （我隔離枱二個女人好嬲同啲師傅投訴，當然師傅只係自圓其說就冇理佢），海膽仲要黑嘅（有圖），啲師傅好後生全部都係學徒咁嘅質素⋯
其實一開始坐低已經想起身走，但又俾咗每人$300訂金共$1200⋯一坐低成十分鍾係冇侍應理你，咁我哋咪主動問佢拎wine list同放袋嘅藤籃，侍應話未有酒牌，跟住又叫我哋等等，又等多10分鐘後先通知我哋喺佢零售嗰邊買，買咗支720ml 「作」，支酒買完擺咗喺枱，結果成15分鐘都一路冇人幫我哋開酒同俾酒杯，係我哋自己嘗試開唔到喇，再叫佢過嚟幫我哋開😠到第二道omakase sushi上左，我哋又發現根本冇俾豉油碟我哋⋯又要問佢拎⋯又要等多10分鐘⋯
最後，訂位時一早講明慶祝生日，餐廳明明話會送件蛋糕仔，結果四個人佢比得三份蜜瓜生果（跟餐唯一嘅甜品），再加件只係牙籤咁長咁細件嘅芝士slide cake,問佢係咪漏咗份跟餐嘅蜜瓜呢，佢就話因為俾咗件蛋糕仔我哋就冇生果，呢個答案真係令人極之無語！過千蚊一個餐，正常都會另外送件生日甜品啦，一係你就唔好講話會俾蛋糕仔，從未見過咁小家嘅Omakase! Service同Quality根本唔配呢個價錢！大家要有心理準備係零Service!
張貼
