影片
更多
2021-11-12
857 瀏覽
11月1日去左豊MINORI食晚餐OMAKASE。間野好乾淨，令我全程食得好放心。職員服務態度好好，好有耐性咁介紹每一道菜同埋解答我地嘅問題。啲食物嘅擺盤都好靚。完全感覺到LI間野嘅誠意。接下來就講下啲食物。一開頭先有個小食——烤鱈魚片。烤鱈魚片個味其實同我地係超市買嘅鱈魚片一樣，不過就好脆口，佢有埋個醬比我地，但個人嚟講我比較鍾意就咁食，食到停唔到口。正式上嘅第一道菜係”五道前菜”。包括：木魚花配茄子, 櫻花蝦配芋頭, 柚子啫喱配腐竹, 炸魚, 清酒浸車厘茄。LI個前菜好清新，好開胃，好好食，超想再食多次。上完前菜就到刺身啦。炭燒鮫鰈魚個炭燒味好香，仲要有魚油嘅香味，超級享受。之後就到生蠔，好新鮮，好滑。再嚟就八爪魚， 佢用左慢煮方法去煮，食落口好易就咬得開， 唔會好似食擦膠咁。另外，仲有個鮟鱇鱼肝配炸米通再加少少黃蘿蔔，個炸米通超脆，至於個鮟鱇鱼肝就好似食鵝肝咁，但口感就再Creamy啲，正！食完上面果啲就到我好期待嘅吞拿魚啦~佢分別比左吞拿魚背部，中拖羅同大拖羅吞拿魚背部佢用左醬油漬方式，中拖羅就就咁刺身，大拖羅就用左炭燒。我最鍾意就係炭燒大拖羅。醬油漬吞拿魚背部個醬油味都好好食
間野好乾淨，令我全程食得好放心。
職員服務態度好好，好有耐性咁介紹每一道菜同埋解答我地嘅問題。啲食物嘅擺盤都好靚。完全感覺到LI間野嘅誠意。
接下來就講下啲食物。
一開頭先有個小食——烤鱈魚片。烤鱈魚片個味其實同我地係超市買嘅鱈魚片一樣，不過就好脆口，佢有埋個醬比我地，但個人嚟講我比較鍾意就咁食，食到停唔到口。
正式上嘅第一道菜係”五道前菜”。包括：木魚花配茄子, 櫻花蝦配芋頭, 柚子啫喱配腐竹, 炸魚, 清酒浸車厘茄。LI個前菜好清新，好開胃，好好食，超想再食多次。
上完前菜就到刺身啦。
炭燒鮫鰈魚個炭燒味好香，仲要有魚油嘅香味，超級享受。
之後就到生蠔，好新鮮，好滑。
再嚟就八爪魚， 佢用左慢煮方法去煮，食落口好易就咬得開， 唔會好似食擦膠咁。
另外，仲有個鮟鱇鱼肝配炸米通再加少少黃蘿蔔，個炸米通超脆，至於個鮟鱇鱼肝就好似食鵝肝咁，但口感就再Creamy啲，正！
食完上面果啲就到我好期待嘅吞拿魚啦~
佢分別比左吞拿魚背部，中拖羅同大拖羅
吞拿魚背部佢用左醬油漬方式，中拖羅就就咁刺身，大拖羅就用左炭燒。我最鍾意就係炭燒大拖羅。醬油漬吞拿魚背部個醬油味都好好食。而就咁刺身中拖羅好鮮呀~~~
佢啲醃製食品都好好食，例如醃晚菊，酸酸地，當我食完油份好高嘅刺身再食佢，完全解膩。
季節料理有兩道：
香魚係我第一次食，平日我個人好鍾意食多春魚。LI個香魚就好似放大左嘅多春魚。佢整到啲骨都脆卜卜。
A4和牛連埋佢啲炸蒜片用蔥一齊食好香。
壽司有7件，當中，帆立背壽司佢係手撕帆立背，個口感好好。牡丹蝦壽司配佢個海膽醬。海膽軍艦，個紫菜食落口係”嗦嗦”聲，個海膽一啲腥臭味都冇。其他壽司都好食，師傅用左唔同醬去配唔同魚，啲醬係少少地嘅，唔會蓋過魚本身嘅鮮味。
今晚個湯係蟹湯，佢上枱時，碗湯係有舊蟹肉。個湯好清甜，師傅仲加左柚子，好香。
甜品係蜜瓜，佢上蜜瓜時係上面噴左啲威士忌落去，職員介紹話咁做係為左更突顯蜜瓜嘅味。一開始噴完聞到好重威士忌味，本人就唔係好飲酒，本身聞到咁重威士忌味都怕怕。硬住頭皮食啦。一食其實冇威士忌味係得蜜瓜味。而個蜜瓜真係好甜呀~~~
張貼
