漁道樂 (已結業)

Blue Monday梗係要食返啲好野慰勞下自己，尖沙咀行完街街見到間外內充滿日式風味的餐廳忍唔住就行左入去喇😝👉🏻蟹肉青瓜沙律 $148蟹肉、蟹籽配以青瓜+沙律醬，作為前菜係非常之開胃，食落夠清新、口感層次亦夠。👉🏻龍蝦刺身+生蠔刺身 $988兩種極品刺身一齊到場，龍蝦拚命郁動佢嘅觸鬚證明佢嘅新鮮程度，我同佢對望嘅同時夾起佢晶瑩通透嘅肉擺落口一咬，龍蝦刺身嘅鮮味隨即係口入面爆開，大滿足😃食咗幾舊新鮮龍蝦刺身之後轉攻生蠔，個size有我手掌咁大隻，事不宜遲一啖「sir」落口度，滑溜嘅口感加上鮮甜感覺充滿口腔，今次嘅生蠔海水味唔會太重，比較清甜，店員介紹話係即日空運抵港，唔係成日有得食架！👉🏻味噌蟹甲羅 $176店員會即場係你面前燒，慢慢將蟹肉、蟹膏、蟹籽、鵪鶉蛋同蔥花撈埋一齊，燒嘅過程中香味慢慢傳開，最後將各種材料完美混合，食落去蟹膏嘅味道非常之濃郁，蟹肉同鵪鶉蛋亦增加咗佢惹味程度。👉🏻油甘魚壽司$98 +三文魚籽壽司 $148油甘魚夠肥美但食落都唔會覺油膩，一口滿足👍🏻三文魚籽夠大粒，我最鍾意入口慢慢咬開享受魚籽爆裂口感，正！👉🏻鮑魚天婦羅 $198炸完嘅鮑魚都keep到爽口，仲保留