影片
更多
2024-03-27
30 瀏覽
今日午餐約左朋友傾計食飯，揀左呢一間日式餐廳，勝在環境好舒服闊落，我地當日仲坐左榻榻米既枱，傾到唔捨得走，裝修好日式，貼滿舊日式海報，仲放左好多招財貓，貓頭鷹等日式擺設🦉🏮🪭餐廳有提供午市套餐，我地每人叫左一份再另外叫左串燒😋安格斯肉眼壽喜燒定食 （$188）牛質地軟嫩，肉味濃郁，配有豐富的蔬菜、冬菇、洋蔥等配菜，壽喜燒醬油同甜味平衡得恰到好處，套餐配有沙律、白飯，三文魚刺身，刺身食落新鮮，茶碗蒸，用好味既上湯整，入口好滑，麵豉湯，仲有甜品。真係好豐富，食完好滿足😌火山燒牛丼 （$108）燒牛份量非常多，每片牛肉都切得好薄，刀功細膩，牛肉雖然薄，但每片燒牛嘅牛味都好濃郁，肉質嫩滑，再加上溫泉蛋撈埋飯一齊食滋味濃郁，套餐仲配送漬物、麵豉湯同沙律🐮明太子雞肉腿串 （$38）雞腿肉嫩多汁，燒到好焦香，面層有大量明太子，咬開陣陣雞油的味道，好惹味😋千歲米豚蘆筍卷 （$36）千歲米豚腩片 （$38）選用了北海道千歲米豚肉，肉質比普通豚肉甜美，師傅燒得剛剛好，外表香脆，內裡口感豐潤，又唔會有好油既感覺。另外一串包著鮮嫩的蘆筍，同樣好食🐷呢間居酒屋好有日式風味，比到去左日本旅行既feel我，食身質素
餐廳有提供午市套餐，我地每人叫左一份再另外叫左串燒😋
安格斯肉眼壽喜燒定食 （$188）
牛質地軟嫩，肉味濃郁，配有豐富的蔬菜、冬菇、洋蔥等配菜，壽喜燒醬油同甜味平衡得恰到好處，套餐配有沙律、白飯，三文魚刺身，刺身食落新鮮，茶碗蒸，用好味既上湯整，入口好滑，麵豉湯，仲有甜品。真係好豐富，食完好滿足😌
火山燒牛丼 （$108）
燒牛份量非常多，每片牛肉都切得好薄，刀功細膩，牛肉雖然薄，但每片燒牛嘅牛味都好濃郁，肉質嫩滑，再加上溫泉蛋撈埋飯一齊食滋味濃郁，套餐仲配送漬物、麵豉湯同沙律🐮
明太子雞肉腿串 （$38）
雞腿肉嫩多汁，燒到好焦香，面層有大量明太子，咬開陣陣雞油的味道，好惹味😋
千歲米豚蘆筍卷 （$36）
千歲米豚腩片 （$38）
選用了北海道千歲米豚肉，肉質比普通豚肉甜美，師傅燒得剛剛好，外表香脆，內裡口感豐潤，又唔會有好油既感覺。另外一串包著鮮嫩的蘆筍，同樣好食🐷
呢間居酒屋好有日式風味，比到去左日本旅行既feel我，食身質素亦都高，朋友都讚我揀呢間餐廳揀得好🤪
張貼
