香葉越式料理 (已結業)

原本冇諗住嚟，點知一支公去到明洞express，插針都插唔入。最後決定唔再徙時間，走去隔籬食個碟頭飯就算...今晚唔想食檬曉，簡單叫個三色蛋飯，例牌又再加個蒸粉包作小吃...飯份量相當多，吃完撑得要死。魚露味道依然不俗，用嚟撈飯食，酸酸哋，醒胃...豬扒欠香茅味，煎得亦太乾身，乾巴巴吞入喉嚨，唔太好受；肉碎蛋餅鹹鹹地，用嚟送飯幾好；蝦冇嚟味道，亦欠鮮味，失望...蒸粉包亦不合格--- 皮不夠煙韌，食落感覺好"散"，木耳絲及葛粒亦下得不夠，冇咗嗰種爽口嘅感覺...感覺係有D退步了...