六如

營業中

休息中

近排都係發覺自己好鍾意食中餐，所以今日約朋友嘅時候都叫佢介紹有冇邊間好食，佢諗咗一陣就同我講以前中環有一間三小漁，而家改咗名叫六如，質素都唔錯，於是就預早訂咗枱，結果我食完之後真係覺得幾高質！今日叫咗好多樣嘢，但係我覺得出色嘅，就係以下呢幾樣：口水花雕雞凍，冇諗過焗雞動會用西瓜嚟夾住食，甜甜辣辣嘅味道真係幾特別！黑磚豆腐都炸得好酥脆，外面脆卜卜，入面就係軟滑嘅豆腐！水煮年糕龍躉球個辣豆剛剛好，加埋好少喺出邊食到有年糕做澱粉質，所以覺得都幾特別，而且龍躉片好多塊，仲要每塊都好厚身。鮮蘋果陳醋香煎牛柳粒好嫩，陳醋加埋蘋果同菠蘿，令到成件事更加有層次感。茴香乾煸爽肉白菜花爆炒得好夠鑊氣，正！