韓珍 (寶勒巷)

營業中

休息中

本身同朋友約好咗去韓國，點知臨時公司有事，所以唯有取消，搞到我鬼咁傷心，本身明明可以去勁食韓國嘢㗎嘛。於是另外一班朋友就特登約我去尖沙咀，話有一間都好好食嘅韓國嘢，佢哋話呢度嘅醬油蟹勁好食，咁都好啦，彌補吓心理，點知食完之後真係開心返晒，勁好食，而且店員阿姨全部都好好人，食得好開心。呢到banchan有好多款式，而且都好有誠意，有豆、芽菜、八爪魚、泡菜、醃製洋蔥同炸蝦米。烤肉叫咗個韓牛牛腩，有1++等級，韓牛真係好無敵，真係入口即溶，濃濃嘅牛味。另外就要咗個牛舌，冇諗過份量咁多，真係好驚喜，而且厚度剛剛好，烤一烤好快就熟。牛肋骨湯d肉超級軟嫩，個湯清清地，食完烤肉之後飲，即刻舒服好多，湯底好清甜。然後就到我最鍾意嘅醬油蟹配牛油飯，醬油蟹好肥美，加埋好多蟹膏，撈飯嚟食，真係好快就食晒成碗！飲品我地要左strawberry velvet 同coconut mint 沙冰，兩個都好解渴，又唔會過甜，正啊！