龍門小棧 (已結業)

今次就同朋友約咗週末一齊去食上海菜，今次食嘅係位於灣仔名為龍門小棧嘅餐廳，佢嘅上海菜式喺網上都備受好評㗎。上海擔擔麵擔擔麵可以話係我最鍾意嘅主食之一，呢間餐廳嘅擔擔麵麵質彈牙，而且幼麵食落都可以優雅啲。湯底帶有啲微辣，仲有少少麻香味，所以都越食越開胃。另外都仲會有啲肉碎喺入面，粒粒分明夠晒有口感。金網窩貼呢個窩貼嘅賣相真係好靚，會有層金網喺上面，證明煎嘅時候真係啱啱好，塊金網脆脆地好好食，另外窩貼嘅肉餡都好足料，而且肉汁夠飽滿，可以話係皮薄餡靚嘅代表。上海小籠包上海小籠包絕對係食上海菜嘅必試之選，呢個小籠包入面嘅湯汁夠飽滿，而且皮真係夠晒薄，就咁睇已經睇到入面嘅肉餡有幾吸引，點埋薑絲食會更惹味。水晶肴肉呢個小食平時真係好少機會食到，睇返肴肉嘅賣相真係好似水晶咁，晶瑩剔透。食落肴肉都好有層次，口感都略有彈牙嘅感覺，個人嚟講好鍾意。如果大家都鍾意食上海菜就真係要試啦。