蚊蚊豬老火鍋 (已結業)

聽朋友嘅介紹，話位於深水埗嘅一間任食火鍋店嘅質素好高。鍾意打邊爐嘅我，就當然要試吓啦。喺火鍋方面，我哋就叫咗真龍蝦鍋。個賣相真係好壯觀，因為真係有原隻龍蝦係入邊㗎，而且都好新鮮。另外餐廳嘅牛肉拼盤一樣好高質素，分別有牛舌心，牛板腱，極上牛肩嫩肉同埋封門柳，所有嘅部份都帶到應有嘅口感，真係食到停唔到口。就算你後尾再追加，質素一樣唔會下降。另外我哋仲叫咗萬州烤魚，我哋選擇咗手打濃鮮茄味。烤魚嘅質素一樣好高，唔單止魚肉口感外脆內嫩，蕃茄湯底嘅味道同烤魚一樣配合，非常之開胃。另外都仲有好多款日式刺身，小食，飲品任嗌任食，真係食到好滿足。如果大家都鍾意打邊爐嘅話，真係要來依度試吓啦！絕對唔會令你失望！