海言どんぶり専門店

營業中

休息中

呢日同屋企人去咗中環呢間日本餐廳食丼飯，打開餐牌，見到有好多選擇。首先點左招牌既海言廚師發辦魚生飯，有十幾款新鮮辦既刺身，當中海膽香濃得嚟唔會太膩，入口即溶，啲大拖羅同中拖羅油脂分布均勻，肥美得嚟又唔會太油膩，仲有左口魚同鯛魚嘅鮮甜，真係驚喜連連。三文魚籽爆口嗰刻，鹹香味即刻喺嘴度散開，配埋壽司飯，真係一個字：正！另外仲點左江戶前散壽司，秋刀魚好鮮，燒過嗰陣微微嘅焦香味加埋肉質嘅脂香，真係好有層次感。墨魚口感爽滑，咬落仲有少少彈牙，唔會粗糙。大拖羅同海膽一樣係主角級，完全唔會輸俾魚生飯嗰邊嘅質素。仲有灸燒魚，啲油脂加埋燒香味，完全係味蕾嘅享受！仲配埋沙律菜、蒸蛋同湯。