鮨政

營業中

休息中

呢日同男朋友去咗上環呢間日本餐廳度食dinner，餐廳嘅環境好好。打開餐牌，見到都有幾多選擇。首先，我哋點咗特上壽司拼盤，呢個壽司拼盤好抵食呀，有10件唔同嘅壽司，分別係大吞拿魚腩、中吞拿魚腩、海膽、帶子、三文魚腩、金目鯛、牡丹蝦、鰻魚、油甘魚腩同三文魚子再加6件蔥吞拿魚腩細卷，超吸引。啲壽司勁高質，非常新鮮，最鍾意佢嘅大吞拿魚腩，好肥美，入口甘香。另外仲點咗和牛蕃茄壽喜燒，餐廳新出咗幾款鍋物，今次就試吓呢個壽喜燒，和牛肉味香濃，帶少少油脂，點上蛋漿一齊食好正。鍋物入面有好多配菜，湯底味道豐富。P.S.餐廳每月都會有限定優惠架！