PREGIO by Barista Caffe (已結業)

之前去過尖沙咀既Barista Caffe已經覺得唔錯，知道佢地開左間分店響鰂魚涌就一路都好想幫襯下，終於等到今日dayoff所以同好友一齊黎食lunch!為左避開人潮，我地兩點幾先黎到，唔洗等位！呢度唔算大，大約三十個位左右，都唔算迫。我地每人叫左個set lunch，可以揀長通粉，意大利飯或者薄餅。友人揀左長通粉，我就響menu入面揀左carbonara，再加錢轉set!湯，主食水準都唔錯，侍應都好有禮貌，加水加得好密。因為我地都好想食甜品，侍應就介紹左2個俾我地！個tiramisu同平時食開既好唔同，因為佢係分開左手指餅，特濃咖啡同芝士！另外仲有一小杯expresso俾你試下味添！好特別！另外一悺係Panna Cotta with Coffee sause, 即係奶凍！呢個係10個好味，非常滑又有雲尼拿味！黎到當然唔少得飲杯咖啡啦！我地叫左cappuccino同耶加雪夫，cap維持尖沙咀水準，而另外個杯耶加雪夫酸味適中，帶有回甘，都係中上之選！我地咁岩坐響個水吧隔離，個barista仲好有心機介紹俾我地聽成個沖耶加雪夫既程序，唔錯！總括黎講都幾滿意，下次會再黎！