城寨風味 (已搬遷) 新店位置

朋友介紹了很多次。 終於有時間來試下。 見到左右兩枱都叫乳鴿。 又叫一只食下。真係唔錯， 啲肉好滑， 又入味，骨都想食埋。 但同樣係味部的乳豬就差得遠了。 脆是很脆， 但皮還皮，肉還肉甩哂的。 無咩口感。 之後來了個鄉下炒銀芽。 其實是芽菜仔炒粉絲加點江瑤柱。 當然，沒有江瑤柱就賣不起價啦！ 但本身啲芽菜都炒得幾乾身。 而且粉絲也爽口，不失為一碟好餸的。 最後來一個鮑魚雞粥。 雞件很多，足料。 但不知是不是小雲眼大睇過籠弓， 睇少個字。 應該係“仿”鮑魚囉！ 講埋個粥底， 好一般。 如果唔係好鍾意食粥的， 最好唔好點。