本原純素

營業中

休息中

之前同朋友仔夜晚上去，打算試吓呢度好新式嘅素菜，咁就點咗三個唔同嘅款式。首先點左個比較清爽嘅芒果牛油果紅菜頭嘅組合？所有嘢都好新鮮，食得出佢哋好鮮甜，只係就算以女仔來講，呢個份量都真係好似細份左少少，一人一啖都已經食完。如果可以加多少少沙律係底，我諗會滿足啲。之後上咗個黑醋汁意粉，意粉同個汁都幾夾，不過就比較淡味。呢個又係份量比較少嘅一碟，其實我諗我哋都唔算特別大食，不過又係一人幾啖就食完🙈最後點多個麻婆豆腐飯，係全晚最飽最好味既一碗！佢個味同平時有肉個種分別唔大，而且夠重口味，好食啊！而且份量正常番啲，終於有番少少飽肚感🥹總結，食物好味，但份量真係太少🥲可能去之前要食定啲野😂