三星台菜食堂 (已結業)

雜誌介紹魯肉飯，評分呢間最高，為食嘅我，當然要試下啦！因為下午茶時間入去賣外賣，店內得一台客。咁當然叫最出名同第一名嘅魯肉飯啦！有分大細，細$28大$42，多D肉同埋有半集蛋，咁當然要大，我都好鍾意食滷水蛋呢！等飯時候，四圍望下，佢有幾款台式飲品，不過街都買到無乜特別。裝修反而吸引我，個幾個籠，幾有特式。 飯到。。 ，有2片黃瓜正。 每張枱枱面都有酸菜同辣醬可加。唔食辣但好酸菜嘅，本來想勁加酸菜，點知個侍應企係隔離係咁望住。。。。計劃失敗。但個飯真係有驚喜，佢汁量恰度好處，魯肉夠味，酸菜都好鬼正，下次一定要勁加。個滷水蛋又係好正，因為夠入味，唔硬，仲要流心嘅，寫食評都回味中。