海亮粥店

營業中

休息中

無意中發現咗呢一間傳統嘅粥店，從裝修上睇得出已經好多年，但係有鋪面好乾淨，值得一讚。前後食過好幾次，先講吓粥底，煲得好透，夠棉，個人好喜歡。生滾粥$27一碗，加送都係加$5 ，真係好抵食，前後食過幾款，最鍾意都係豬潤魚片粥，唔知點解兩個餸但係呢個粥都係$27。豬潤夠薄，同魚片一齊滾， 熟嘅程度啱啱好唔會過老，好夠爽。之前試過粉腸粥，唔係嗰種使到全部乾淨嘅粉腸，所以想試嘅人自己衡量一下接唔接受到呢想粉腸啦。試過牛脷酥，但係唔會幫你剪，食物比較麻煩。試過炸兩，呢間會整定一堆喺度，一叫就俾你，雖然係快，但係冇即刻整咁好味。齋腸嘅話醬料係冇麻醬嘅，個人覺得混醬少咁一種冇咁好味。