海亮粥店

營業中

休息中

西環真的沒有甚麼好味的粥品店原本海亮還好的。但自大老闆沒有做後食物水平就每況愈下。伙計就更加係不知所謂。粥底唔得+炒面炸物都不到位。今日試菜乾豬骨。。。結果見伙計只是從雪櫃拎了兩盒材料放了入粥窩中撩兩下上碗。原來所謂豬骨係“燒肉骨”很咸又很油。菜干還卷一舊舊。。。很老。。。難食都要食了d粥。因為見伙計鬧食客。因為食客投訴皮旦瘦肉粥少皮旦。半粒皮旦都無。平時沒咁少。伙計鬧“次次一樣多㗎？食你就食啦。”我唔識講。我下次不來就是了

街坊舖頭，近年換咗其他人接手，外賣炒面得番以前3份1份量，小得可憐，粥店既靈魂油炸鬼變得好硬，當然整體亦細件咗，冇以前既香脆，以前見檔主一朝早密密新鮮炸，依家懷疑係隔夜，食開生滾雞粥底唔夠米香，雞肉難揾得啲骨，總之冇意欲再幫襯。

早幾日整親條頸，郁大力d都會痛😓今日九月最後一日，本想出去食餐豐富d，點知又落大雨，最後都係屋企附近食粥。叫咗及第粥，$28。粥底幾杰身，仔細睇原來落咗腐竹，味道都幾好。豬什都有唔少，不過味道就冇乜，好可能係煮既過程已經出晒味，粉腸，豬肚同豬潤都係冇乜味。另外炒麵可能擺耐咗，比較淋，$13份量正常。海亮粥店西環德輔道西356號地下

好耐早餐冇食粥，今朝試吓呢間粥店。看看味道如何。早上10:30左右，店內有兩三台客人，牆上的價目表， 生滾粥都係$28 ，叫咗個豬潤魚片粥同埋一碟蝦米腸，蝦米腸都係$13。潤魚粥，豬潤切薄片，但係較為腍，好彩又唔柴，魚片又較為散啲，兩樣都冇異味或者魚腥味。粥底都過得去。一碗平平凡凡的豬潤魚片粥。至於蝦米腸，暖暖哋，有幾粒蝦米，入口中規中矩，喺一碟平凡的蝦米腸。見到客人叫其他腸粉，好似蛋腸粉咁樣，係即做。下次可以試吓。店內除咗一個阿嬸外，有兩個應該係20幾歲嘅姊妹花負責煮粥同埋腸粉。較為傳統的粥店，好少見到有年青人主打廚藝。

係隔離酒店叫外賣食，點知質素仲差過酒店d隔離食物。皮蛋艇仔粥/魚片皮蛋粥：d粥同稀水真係冇分別，一d味道都冇，d料味道就正正常常但份量偏少。豉油皇炒面：成盒面得兩條韮菜，味道還可以。炒米粉：得個咸字，乜料都冇。蝦米腸：同普通腸粉冇分別，成盒得三粒蝦米少蔥，重點又係咩味都冇。豉油都冇滴。餃子：味道正正常常，不過不失。服務：落單時係粥到寫明唔該加蔥，係腸粉到寫明混醬走辣，兩樣都冇。最重要係外賣連膠匙羹都冇俾到我，成餐飯我都係用牙籤夾野食，d粥倒落個口到....

這間粥店的食物一般，唯獨是那個番薯糖水，又平又好味。$11一碗，有幾舊大番薯，雞蛋黃番薯煮得夠粉又不會過於腍啤啤（雖然間中會有根），糖水夠薑但不是死辣，有時還會吃到薑粒，證明係真材實料。糖水甜度剛好又有香味。完全是屋企的味道，但又比阿媽煮得更好味。$11一碗簡直超值，自己煮應該都差不多這個價錢。由於份量十足，肚細的朋友真係可以當飯食。環境就是街坊粥店的環境，冇乜特別，簡單整潔就夠啦。每次食完一碗，都可以滿足地離開。

無意中發現咗呢一間傳統嘅粥店，從裝修上睇得出已經好多年，但係有鋪面好乾淨，值得一讚。前後食過好幾次，先講吓粥底，煲得好透，夠棉，個人好喜歡。生滾粥$27一碗，加送都係加$5 ，真係好抵食，前後食過幾款，最鍾意都係豬潤魚片粥，唔知點解兩個餸但係呢個粥都係$27。豬潤夠薄，同魚片一齊滾， 熟嘅程度啱啱好唔會過老，好夠爽。之前試過粉腸粥，唔係嗰種使到全部乾淨嘅粉腸，所以想試嘅人自己衡量一下接唔接受到呢想粉腸啦。試過牛脷酥，但係唔會幫你剪，食物比較麻煩。試過炸兩，呢間會整定一堆喺度，一叫就俾你，雖然係快，但係冇即刻整咁好味。齋腸嘅話醬料係冇麻醬嘅，個人覺得混醬少咁一種冇咁好味。

在美國回港，早餐想食中式食物，所以想到粥。外賣當然有自備餐具。點了兩碗粥，一碗碎牛粥、一碗皮蛋瘦肉粥。碎牛粥超多料，吃進口全是牛肉味非常好食。皮蛋瘦肉粥備有半隻皮蛋份量，亦非常出味。煎堆是非常之有驚喜，是筆者最外的冇涵煎堆，面還是脆的，味道亦不太甜。反而炸兩就有點失色。由於油炸鬼不是新鮮製造，加上腸粉皮後，更加是都軟林林。最後埋單離開後，老闆娘從舖頭追出來，要給我退回一蚊因為我自備餐具。這就是小區中的一些人情味。

假期去西環辦點事，已經是六點多.想起今天是端午節.就去食碗粥，豬潤粥，香滑粥底，滿滿的豬潤，再叫了蘿蔔糕好味.店子小小，人不太多，但老闆親切有禮.買了兩隻糭回家.下次再來.這種小店在今天耍生存都不易.

食粥一定要去粥店，因為夠專一，去流快，材料保持新鲜。還有一定要有油炸鬼。上世紀六七十年代銅鑼灣名店叙香園的「白灼腰膶」被目為必食之佳肴。自從膽固醇之說興起大家對動物內臟都懷戒心不敢多吃，不過時至今日「生滾腰膶粥」仍是甚受歡迎的粥品。最近有醫學報告指出膽固醇非因食物问题，今日就马上叫咗個豬腰膶生滾粥，配一條油炸鬼。第一粥要滚，带出姜葱香氣第二豬腰豬膶風味之美首重口感脆嫩。材料新鲜必然首選。其次煮猪肝时，时间不宜过长，否则猪肝不嫩滑，但时间太短猪肝未熟透又不卫生，因此火候控制就是厨子功力所在。第三绵绵不带味精的粥底，纯粹带出粥料原味食粥一定要配油炸鬼。这𥚃又有一绝。因为幫襯的時候已近晚上六点。油炸鬼已放在櫃裡，但食落还是外脆內鬆又不油，用来点粥一起吃又一食法！

一點幾鐘開始在半山遊走，差不多到黃昏時我的肚子覺得好餓，於是便在附近找尋有什麼好吃的﹗真是不找過都不知道原來西環這一帶真是存在著好多小店及咖啡室，一時之間令人花多眼亂。友人表示想吃炸兩，於是我們便隨便入去一間粥店。店內陳設相當簡單，衛生度都算接受，牆上掛有一部電視，周日的賽馬聲浪在場內圍繞。而提供的食物字眼全都貼在牆上，不過每枱都有一張小餐牌，兩面的內容都是一樣。身邊的食客多數都是街坊，場內有一位阿姐打點，而點餐亦可以直接通知駐守在半開放式廚房內師傅。明火白粥$6，粥底綿滑，質感不算太厚身也不會是水汪汪，吃得出存在著微弱的米香。豉油皇炒麵$8內有韭菜及芽菜，份量很多，麵條爽口，不過並不是條條麵都沾有豉油，味道亦略淡。再吃多一碗清甜綠豆沙$7，綠豆的量真的有很多，而且粒粒煲到起沙，不錯的，但甜度對我來說是較甜膩。友人選擇的兩款食物都是經濟又足料﹗埋單後，我們沿著這一條街走，這裡有著不少小店，有賣飽點的，有賣餃子的，賣什麼都好他們的食物價錢統統都是平到我O咀﹗現在才知道現今仍有這些保持著相宜價錢的食店，我也希望他們不會因快將有鐵路站的將來而被迫離開。

三個字黎形容!! 味精粥！!!!!!!! 份量都夠, 幾足料, 但係味精味好重!!!! 食完番到屋企勁口喝!!!!!! 仲有, 最可惡既事係, 我明明食左碗$15 豬肚粥, 個女人竟然收我$19!!!!仲要話我係雙拼唔肯找番錢我！!!!以後我都唔黎幫襯！！！

10-1-2010最近花得太多錢, 食又食得貴, 慳返D先, 去食粥啦海亮光臨已不是十隻手指可數, 好好味道哇, 我也不想多講, 對上一篇也是我的, 坐底叫左皮蛋廋肉粥 知唔知食既時候係真係有家既味道, 老闆剛剛熟, 就要離別, 皮蛋廋肉粥粥有香味, 香哇香哇香哇,,這次應該是最後光臨, 因為搬家的日子只有四天 $11再見了海亮, 到西貢後我會再來

最近搬來港島.. 所以周圍搵野食.. 行行下見到有間粥店..最衰5記得影相啦.... 老闆一入黎就問食咩..好親切..生滾滑雞粥 D雞大大隻 有雞味. =$17 蝦米腸 大大條.. 好第食 旦係好似凍左d.. 旦只是 $6皮蛋X豬粥 好多皮飛 好香.. 又快 又熱 好味.只是$1330元食飽兩個人......................去邊搵呀!!!!!!!!!!!!!!!!!!!!!!!!!!!!!!!!!

今天有點需要吃粥，所以來到西環尋粥吃，順道會找一些啱食的地方，第一站就來吃碗夜粥。坐好之後，也點吃的，就每人一碗粥，再加一個腸粉，粥點了魚片粥及魚腩鮮牛粥，粥是生滾的，分別在魚片上加入一大匙羹粥，也在魚腩及鮮牛肉加入一大匙羹粥，製成一碗魚片粥及魚腩鮮牛粥，就端上我們的桌子上。先用匙羹舀兩羹望一望，魚片粥內的魚片很零碎，而且看見還是生的，也不敢即吃，先讓魚片吸多一點粥的熱力，煮熟一點再吃，等了一會兒，也開始吃了，魚片粥的魚片糜爛，吃起來很霉身，一點也不好吃，加上粥底的味道來得很不自然，有味精，其味道是濃得吃不出米香了，粥底雖然夠綿，但此點已經是大大扣分了。另外的魚腩鮮牛粥，也舀兩羹望一望，也有兩大件魚腩及一大堆鮮牛肉，由於魚腩是生滾的，魚腩的肉是非常之滑，亦有鮮魚味，而且一點淡水魚常有的泥腥味也沒有，骨多但不難肚，連着魚皮一起吃，更是美味，而鮮牛肉也是嫩滑得很，師傅的味道不強，可能師傅的味道走了進粥吧，所以粥底吃起來的味道，比魚片粥的更假，更強味精味，也濃得吃不出米香，夠綿也無濟於事了。另外也點了一碟叉燒腸，九元一碟，真的是很便宜，用筷子夾開一看，嘩！層腸粉皮厚得厚過我的面皮，更要命的竟