烏蠅館 (已搬遷) 新店位置

之前聽同事講起呢間食四川菜嘅黃店，今日放工就黎試吓先～大約下晝三點幾黎到，都坐滿左¾嘅座位，幸運地唔使等位就可以入去。嗌左八個餸再加寛粉（$58）好豐盛❤️嗌咗娃娃菜、鴨血、蟹柳、芋絲、蜆肉、肥牛、雞髀菇同埋午餐肉，每樣餸有兩三舊過下口癮，四川寬粉份量都幾多～煙韌有咬口，食晒真係好飽肚！話說個湯底真係幾正，我嗌左小辣，辣度啱啱好，勁多蒜，勁香，超好味～ 食完口臭足一日😂另外加左個黑糖珍珠鮮奶（$20）面頭有一層厚奶蓋，好好味😍 不過D珍珠冇甜味，同埋黑糖味有D怪，不過都接受到～最貼心既係，D職員見你用手機煲劇既時候，會遞上一個手機架～好正丫，吾洗做低頭一族🤪🤪