椰粉湯紅 (已結業)

疫情未退，依家食肆堂食仍然祇限兩人，最近都較少約朋友食午餐，今日終於約咗好耐冇見嘅朋友到灣仔揾地方食午餐，敘一敘😄我哋見呢間椰粉湯紅個名幾得意，裝修舒適清雅，主打椰子菜色同燉湯，一於試下😄首創竹絲海南雞配椰香飯第一次食用竹絲雞做嘅海南雞，雞肉起骨，啖啖肉，唔肥有嚼勁，配酸辣醬汁食，愈食愈好食，椰香飯少油，飯粒分明，夾雜咗陣陣椰香味，比一般嘅油飯更加好食😋,多D雞就更好喇🤭山楂梅子糖醋骨配米粉糖醋骨酸甜開胃，份量都唔少，米粉夠爽滑😋我哋仲要咗兩杯自製涼飲🍹，熱情豐盛同苦盡甘來，味道清新，有益健康，仲祝願大家渡過疫情後，再迎接豐盛人生🥳🥳