無辣不歡 (已結業)

今日係星期日決定搵個friend 去葵廣'掃街'，因為我地兩個都算叫做食得辣所以就梗係要去呢間無辣不歡挑戰下啦！佢嘅手撕雞有好多配搭，除左淨手撕雞之外，仲有手撕雞手卷、手撕雞喬麥麵等等，仲有其他涼拌小食添。麻辣豬耳，牛𦟌，雞腎等，不過應該都同手撕雞一樣味嘅，下次我地會再試下！我地今次叫左麻辣手撕雞，要左小辣。份量都叫做多嘅，但係小辣都幾辣架，食完之後我地都即刻去買野飲。佢有好強烈嘅麻味，食完條脷會麻左。