大哥雞飯去骨海南雞 (愛定商場(H.A.N.D.S) N區)

營業中

休息中

終於等到開張，即衝，果然無令人失望，食物有水準，服務專業，雖然太忙偶有錯漏單，但極速處理。首選推介肉骨茶，平靚正，大碗足料味濃。一人套餐有主菜+飯+菜+湯+熱飲，只係$72，單點大大碗嘅細肉骨茶至$38，仲無論套餐定單點都可以加$22追加一款小食，平平哋可以試多幾款嘢，大肉骨茶連飯只係$65，超大碗又多料，夠2人食，叫咗一個一人無骨海南雞餐+細肉骨茶+2小食（鳳爪+炸魚餅），只係$154，兩個人比較細食都飽晒，係附近首選性價比最高嘅食肆，好開心以後有新飯堂。而家仲有新張推廣活動，喺 openrice 寫食評送兩個小食，fb/ig 出 story 送一款，所以我埋單減咗兩個小食價錢，只要俾$110，超抵！第二晚又再去試唔同菜色，不過都係一個一人餐加肉骨茶同兩款小食，無使用優惠，埋單就正價$154。