影片
更多
2022-03-04
83 瀏覽
銅鑼灣有好多高級嘅日本料理餐廳，但大部份都係主打食刺身、濱燒或者鐵板燒，而壽兵衛係少數target食高質壽喜燒嘅餐廳之一，有朋友就黎移民，所以就趁佢走之前食返餐好嘅。壽兵衛原本只做晚市，因為疫情禁晚市關係，所以營業時間改為12:00至18:00，期間午市同晚市套餐都有提供，除左追加項目之外，無論單點、套餐定酒水都有八折優惠。長方形嘅店面，食客都係圍全中間嘅廚房而坐，換句話講，每個座位都可以睇倒師傅表演。梅酒($65/100ml) - 梅酒酒味唔重，幾甜梅味。我地點左最貴嘅Deluxe日本和牛套餐($1,280／位, 另有8折優惠)，佢包左前菜、刺身、蒸蛋、和牛他他、野菜盛盒、四款唔同部位嘅和牛壽喜燒、飯/麵、味噌湯同甜品，非常豐富，我地食到一半已經開始有啲飽，如果本身食量唔大嘅女士，可以揀份量少嘅套餐。前菜三點 - 第一次食鴨胸係配蜜糖芥末醬，甜甜地都唔錯。磯煮鮑魚有咬口得黎又唔會太韌。鵝肝雖然唔係煎，但都有少少半溶口感，口感似食緊軟芝士，肝味比平時食倒嘅突出。刺身三點 - 刺身有帶子、牡丹蝦同拖羅，雖然冇平時高級鮨店咁突出，不過都好新鮮同厚切。蒸蛋 - 蒸蛋因為加左墨汁，所以顏色烏黑
壽兵衛原本只做晚市，因為疫情禁晚市關係，所以營業時間改為12:00至18:00，期間午市同晚市套餐都有提供，除左追加項目之外，無論單點、套餐定酒水都有八折優惠。
長方形嘅店面，食客都係圍全中間嘅廚房而坐，換句話講，每個座位都可以睇倒師傅表演。
梅酒($65/100ml) - 梅酒酒味唔重，幾甜梅味。
梅酒
$65
3 瀏覽
0 讚好
0 留言
我地點左最貴嘅Deluxe日本和牛套餐($1,280／位, 另有8折優惠)，佢包左前菜、刺身、蒸蛋、和牛他他、野菜盛盒、四款唔同部位嘅和牛壽喜燒、飯/麵、味噌湯同甜品，非常豐富，我地食到一半已經開始有啲飽，如果本身食量唔大嘅女士，可以揀份量少嘅套餐。
前菜三點 - 第一次食鴨胸係配蜜糖芥末醬，甜甜地都唔錯。磯煮鮑魚有咬口得黎又唔會太韌。鵝肝雖然唔係煎，但都有少少半溶口感，口感似食緊軟芝士，肝味比平時食倒嘅突出。
前菜三點
2 瀏覽
0 讚好
0 留言
刺身三點 - 刺身有帶子、牡丹蝦同拖羅，雖然冇平時高級鮨店咁突出，不過都好新鮮同厚切。
刺身三點
4 瀏覽
0 讚好
0 留言
蒸蛋 - 蒸蛋因為加左墨汁，所以顏色烏黑，上枱時熱辣辣，入口非常嫩滑，裡面有魷魚、冬菇同日本魚蛋。
海膽魚子醬和牛他他 - 和牛他他比平時見倒嘅生牛肉他他淺色，師傅建議可以先食上面嘅海膽，之後先將鵪鶉蛋同魚子醬撈埋和牛他他食。和牛他他口感好油潤，完全唔覺得腥，中間因為加左切粒日本水晶梨，所以多左啲爽口感，因為份量有差唔多拳頭咁大，所以食完都已經有半飽。
海膽魚子醬和牛他他
12 瀏覽
0 讚好
0 留言
美國熟成西冷 - 西冷燒到五成熟，包住京蔥黎燒，上碟時連埋一隻日本蛋，師傅建議我地可以先試下空口食， 再蘸蛋汁試下。
美國熟成西冷
2 瀏覽
1 讚好
0 留言
西冷好大塊，厚薄適中，空口食會食倒壽喜燒肉鹹鹹甜甜嘅味道，味道比較濃郁，而蘸蛋汁食就會冇鹹。
美國熟成西冷
1 瀏覽
0 讚好
0 留言
澳洲和牛牛舌
15 瀏覽
0 讚好
0 留言
野菜盛盒 - 入面有多款唔多嘅蔬菜，全部都係黎自日本，師傅會以壽喜燒嘅方法，將唔同嘅蔬菜配搭唔同嘅牛肉部位。
終於到主角佐賀和牛出場喇！上面係西冷，下面係肉眼，兩款肉雪花紋都好平均，當中又以肉眼更見美妙。
佐賀和牛肉眼 - 肉眼揀左要三成熟，雖然表面睇帶少少玫紅色，但食落冇平時西餐食扒咁生，入口非常嫩滑，入口即溶但又唔會覺得好膩。
佐賀和牛肉眼
8 瀏覽
0 讚好
0 留言
食時可以按個人喜好配搭蛋汁或者白飯食，雞蛋同白飯都可以免費添加。另一樣值得留意係，白飯其實係用左一見鍾情米，佢係一種少用農藥同化肥黎種植嘅大米，比普通大米更安全。
佐賀和牛肉眼
1 瀏覽
0 讚好
0 留言
野菜壽喜燒
1 瀏覽
0 讚好
0 留言
佐賀和牛西冷 - 和牛西冷同樣揀三成熟，口感一樣好滑，中間包住京䓤黎燒，下面嘅係一種叫茗荷嘅蔬菜，食落菜味比較重，味道有啲似皇帝菜，未必人人能夠接受，好彩壽喜燒個汁夠濃味。
佐賀和牛西冷
2 瀏覽
0 讚好
0 留言
野菜壽喜燒 - 每樣都煮得好腍好入味，特別鍾意赤蒟蒻，食落好煙韌。
野菜壽喜燒
4 瀏覽
0 讚好
0 留言
赤麵豉湯
3 瀏覽
0 讚好
0 留言
滿溢筋子釜飯
5 瀏覽
0 讚好
0 留言
釜飯上枱時，係連埋一滿碗嘅筋子，師傅話鍾意加幾多都得，我不嬲鍾意食三文魚籽，所以我都加左好多筋子喺釜飯上面，每一啖飯都食倒筋子嘅鹹鮮味，超正！
滿溢筋子釜飯
4 瀏覽
0 讚好
0 留言
水信玄餅伴菠蘿雪糕
13 瀏覽
0 讚好
0 留言
總結，由前菜到壽喜燒到釜飯質素都好高，點左最貴嘅Deluxe和牛套餐非常豐富份量超多，男人食完都捧住肚走，如果肚量較少嘅女士可以揀份量少啲嘅午餐或其他相對平啲嘅晚餐。和牛壽喜燒質素無可挑剔，最尾嘅滿溢筋子釜飯可以任添筋子，絕對滿足倒好多三文魚籽/筋子迷。
張貼
