影片
更多
2009-02-18
38 瀏覽
上星期二(2月10日)剛由台灣旅遊完返香港，未夠一星期已起思台症...於是星期一專程落紅磡，為左尋找懷念的台味，所以同時食左2間台式雞排︰大雞大(位於蕪湖街)同我愛台妹食完之後............唔好意思，台妹大勝大雞大！！！！講價錢，以單點雞排計，台妹$16一塊，分量足有7~8件，仲有套餐可以選，D野飲味道唔錯~大雞大$17一塊，分量同台妹差不多，但肉薄到呢...........= =""""同豪大大一樣有騙錢嫌疑(唔好意思，個人唔欣賞豪大大，我唔鐘意粉多過肉的豪洨雞排) 而且所有野都要散叫..無套餐....講味道，台妹用雞腿肉做，肉嫩有肉汁，新鮮炸起正唔在講(衰D講句——係我魂縈夢牽的台灣雞排味呀呀呀————)，凍左d皮都唔甩先勁！大雞大正常版「超滑雞排」用雞胸，肉薄，仲要翻炸= =好乾好鞋，d脆皮未食已經甩哂當日我無食BB雞，唔知呢個點，無從比較~講環境，台妹有位比你食，但始終工業區，買外賣的人多D，唔好諗住D位好舒服大雞大裝修幾乾淨光猛，不過———唔好意思，無位坐，一路行一路食啦你！講服務，呢樣呢就有D難比較，可能因為我去到已經過左LUNCH時間，兩間都比較得閒D，都無咩好
於是星期一專程落紅磡，為左尋找懷念的台味，所以同時食左2間台式雞排︰大雞大(位於蕪湖街)同我愛台妹
食完之後............
唔好意思，台妹大勝大雞大！！！！
講價錢，以單點雞排計，台妹$16一塊，分量足有7~8件，仲有套餐可以選，D野飲味道唔錯~
大雞大$17一塊，分量同台妹差不多，但肉薄到呢...........= =""""同豪大大一樣有騙錢嫌疑(唔好意思，個人唔欣賞豪大大，我唔鐘意粉多過肉的豪洨雞排) 而且所有野都要散叫..無套餐....
講味道，台妹用雞腿肉做，肉嫩有肉汁，新鮮炸起正唔在講(衰D講句——係我魂縈夢牽的台灣雞排味呀呀呀————)，凍左d皮都唔甩先勁！
大雞大正常版「超滑雞排」用雞胸，肉薄，仲要翻炸= =好乾好鞋，d脆皮未食已經甩哂當日我無食BB雞，唔知呢個點，無從比較~
講環境，台妹有位比你食，但始終工業區，買外賣的人多D，唔好諗住D位好舒服
大雞大裝修幾乾淨光猛，不過———唔好意思，無位坐，一路行一路食啦你！
講服務，呢樣呢就有D難比較，可能因為我去到已經過左LUNCH時間，兩間都比較得閒D，都無咩好差情況，不過台妹我去左2次，上次去係LUNCH TIME，2次老闆娘都好好人，今次仲有同店入面果位講國語的幫手傾計(當然係用國語啦~)，仲有老闆娘幾靚女，把聲好軟好有台灣女仔的嬌滴滴ga~
大雞大就只有一個哥哥仔招呼，態度唔錯GEI~不過唔算好熱情親切囉~
當日係台妹食左套餐C，$30有超正雞腿排X1、魯肉飯X1、飲品X1，超抵食，因為份量大到2個細食女仔SHARE都夠，我食量以女仔o黎講算大，都食唔哂..囧囧(可能因為比雞大大佔左胃容量啦= =下次試下淨係去食台妹個餐，睇下食唔食得哂先~)
我愛台妹——食完我覺得我真係想大講一句︰「我愛台妹！！」
**順帶一提，過左lunch o黎食，d雞排通常都鮮炸，好味好多多多多多多多多！！
p.s.當日由紅磡時新快餐往台妹前進路程期間，遇黑店一間，該黑店為果汁店，門口有海報標榜$12/$10一杯果汁，遂點一杯$15的大杯士多啤梨加益力多，誰知最後所得成品不甚清涼解渴已算，更過分是淡而無味，似士多啤梨溝水(水量估計應有整杯的70%)多過士多啤梨加益力多，實乃本人飲過最難飲的果汁！！！
因一時匆忙，忘記記下店名，請各位飯友行經上述路段時小心黑店= =
張貼