八時神仙草 (希慎廣場)

營業中

休息中

小朋友放學之後諗住同佢去希慎樓下B2食個下午茶，佢見到呢間台式甜品，我就點咗少少嘢一齊試吓，小朋友食綠茶沙冰，賣相好吸引，而且好大碗，沙冰有濃濃焙茶味道，加咗綠茶醬同埋綠茶雪糕入口唔太甜，小朋友非常鍾意，仲有幾粒芋圓，食入口煙煙韌韌，再有埋珍珠，食完一碗其實都幾飽。熱的薑汁棗泥奶凍最適合冬天食，食完成個人暖笠笠，另外，我比期間限定嘅食物吸引咗，我點左栗子糊桃膠盛盤，同埋一杯米麻糬栗子奶凍，我自己本身好鍾意食栗子，用栗子造成嘅甜品出邊比較少，我真係鍾意呢度嘅甜品唔會好甜，但好香栗子味，而家凍凍地食碗熱嘅栗子糊，配埋桃膠增加口感，真係非常好食，食完成個人暖笠笠。原來呢間台式舖頭除咗銅鑼灣希慎，其餘3間分店都分別有售及推廣栗子新品，各位栗子迷真係唔可以錯過。