Mai 新派泰式料理 (已結業)

第二次黎呢度食,咁梗係好味先會再黎啦~~今次叫左...冬蔭公肥牛窩~唔錯呀!d牛肉自己放落湯煮,唔會un,d湯既味都幾好,唔會太辣...肉碎生菜包(雞)~本人認為稍辣,但係幾好味,d肉碎唔會太乾&太濕,d生菜都好fresh...咖哩什菜豆腐煲~呢個好好味呀!我最鐘意佢d咖哩汁,甜甜地, 一d都唔辣,撈飯一流!而且d豆腐好滑,有d似玉子豆腐,但係又唔係...哈~真係好味呀!最後仲叫左個甜品-椰青水晶糕~好清,都唔錯!成個椰青上,有椰青絲,質感似大菜糕,好爽!!服務都好好,d人個個都好nice,仲主動幫我地影相添~~~好滿意既一餐!!