火土燒肉

第一次黎呢間燒肉店食午餐，一路見到食評都唔錯，所以想試下朋友揀咗坐矮櫈，佢話可以有露營嘅感覺，但係想提醒一下大家，坐完真係會有覺得腰骨痛或者唔係好起到身嘅感覺講番食物，叫咗兩個牛肋肉餐，同埋一個豬五花餐，每個餐都跟咗一碟蔬菜，分別有南瓜，茄子，粟米芯，同埋秋葵，仲有一塊雞髀菇，覺得非常唔錯至於肉質方便，牛同埋豬嘅肉質都好軟滑，而且係厚切，分量重每一樣都有八塊，性價比黎講係相當抵，食肉質亦都比我想像中好，牛肋肉係有油花，而且唔會燒完之後乾爭爭燒完之後唔會覺得成身都係油煙味，係會有下一次嘅餐廳*是次午餐是自費的