一焼肉

營業中

休息中

一直唔知上水廣場新開咗間燒肉店，行行吓街聞到香味先發現佢，lunch time已經勁多人🤩睇餐牌選擇好多，而且價錢合理，最平幾十蚊嘅餐都已經好豐富，不過太想食和牛同埋甲羅燒，所以揀咗最貴嘅餐，$225，套餐包埋前菜、湯、飯、甜品，一定夠飽👍🏻套餐嘅和牛質素都好高，用鹿兒島A4和牛。牛肩肉油脂分布好平均，而且解凍得好好，燒出嚟勁香。而壺漬則好入味，撈飯一流。仲有兩塊厚切牛舌，好彈牙。當然唔少得甲羅燒，口味濃郁。另外午市追加單品有75折，梗係要加份壽喜和牛燒啦，大大片簿切和牛，勁靚，燒一陣就食得，真係好滿足，加入生蛋同燒汁，真係好好味😋套餐仲可以加飲品，除咗汽水仲有酒精飲品，食燒肉飲strong原來好正☺️最後加埋個抹茶味雪糕就一流啦，非常滿足。