影片
更多
2024-08-03
7826 瀏覽
呢日去咗荃灣一間新餐廳食飯！嗰度嘅裝修真係靚到嘩嘩聲，最緊要係有咁靚嘅裝修但嘢食一啲都唔貴，實在太合乎我嘅經濟原則，同老婆大人嚟多幾次都唔會肉赤嘻嘻。呢間餐廳就係喺如心廣場一期新開嘅Parkside@Nina！老婆大人話原來呢間餐廳係用木化石做主題，咁咪即係同我一樣唔多化好嘢嚟喎。餐廳地方好大裝修亦都好靚，喺度食嘢的確係好舒服。靚到嘩嘩聲嘅打卡位一定係呢個！呢個角度望落去好似一間教堂咁樣，試諗吓如果喺度影婚紗相真係幾鬼靚。聽侍應講呢啲木化石原來好貴㗎！真係要細心慢慢欣賞先得。餐廳除咗有室內正之外原來室外都幾舒服喎！如果秋天嚟呢度食嘢我就覺得唔錯，但係近來咁熱都係望吓好喇。喺餐廳嘅另一邊有個好有神秘感嘅門口！原來係餐廳嘅VIP房入面仲好鬼大添，約埋一班朋友嚟呢度開返個party都唔錯喎。欣賞完餐廳嘅裝修我哋咋咋臨返去開餐！整杯正斗嘅雞尾酒飲吓先，我揀咗呢杯靚到連老婆都心心眼嘅Passion Fizz，黃色加紫色太掂啦掛！味道仲要好正因為有熱情果香同埋金橘梳打，加埋Vodka嘅酒精真係超爽啊。呢碟係意式生牛肉薄片，食落口好軟滑唔會有腥味，同埋啲火箭菜芝士一齊食都幾唔錯。呢個酸辣西瓜沙律好鬼
呢間餐廳就係喺如心廣場一期新開嘅Parkside@Nina！老婆大人話原來呢間餐廳係用木化石做主題，咁咪即係同我一樣唔多化好嘢嚟喎。
餐廳地方好大裝修亦都好靚，喺度食嘢的確係好舒服。
靚到嘩嘩聲嘅打卡位一定係呢個！呢個角度望落去好似一間教堂咁樣，試諗吓如果喺度影婚紗相真係幾鬼靚。
聽侍應講呢啲木化石原來好貴㗎！真係要細心慢慢欣賞先得。
餐廳除咗有室內正之外原來室外都幾舒服喎！如果秋天嚟呢度食嘢我就覺得唔錯，但係近來咁熱都係望吓好喇。
喺餐廳嘅另一邊有個好有神秘感嘅門口！原來係餐廳嘅VIP房入面仲好鬼大添，約埋一班朋友嚟呢度開返個party都唔錯喎。
欣賞完餐廳嘅裝修我哋咋咋臨返去開餐！整杯正斗嘅雞尾酒飲吓先，我揀咗呢杯靚到連老婆都心心眼嘅Passion Fizz，黃色加紫色太掂啦掛！味道仲要好正因為有熱情果香同埋金橘梳打，加埋Vodka嘅酒精真係超爽啊。
呢碟係意式生牛肉薄片，食落口好軟滑唔會有腥味，同埋啲火箭菜芝士一齊食都幾唔錯。
呢個酸辣西瓜沙律好鬼特別！用爽口嘅青瓜包住用川辣汁醃過嘅西瓜，食落去勁多汁仲要香香辣辣咁，味道非常盞鬼仲要好好味正啊。
食咗兩個前菜時間係晚上嘅七時半，餐廳職員話俾我哋聽出面如心園會有星光匯演，我哋班八卦友梗係即刻出去睇嘢啦！
全程大約4分鐘真係好睇到目不暇給！光影好吸引仲好震撼添，大家都可以免費上去睇㗎，好似每日七至九點每半個鐘頭就會放演一次。
睇完星光匯演返入餐廳繼續嘆我哋嘅嘢食！我同老婆大人一人揀咗一款湯嚟兩份飲，佢嗰個係喇沙泡沫濃湯配蝦片。
我試咗一啖飲落口係好香嘅喇沙味不過之後就辣到飛起！但係食得起辣嘅老婆大人就話鬼咁好飲。
我都係乖乖地飲啲小朋友口味嘅北海道粟米薯仔湯！個湯係好重嘅粟米味仲勁香滑真係老少咸宜。
係人都知我最唔鍾意食意大利粉！不過呢碟紅酒糟虎蝦捲意粉我又幾鍾意喎，紅酒糟加埋忌廉個味鬼死咁得，虎蝦好爽甜夾埋啲蔥食仲好味。
除咗意粉呢度嘅薄餅我覺得都係必食嘅！因為餐廳入面有自己嘅石窯爐即叫即整新鮮薄餅。
熱辣辣新鮮出爐嘅薄餅餅底原來係用酸種麵糰嚟整，食落去薄餅邊好香脆中間又夠軟熟，配風乾火腿、芝士同埋蘑菇呢個組合冇得輸啦。
我哋仲叫咗一隻辣椒醬烤雞！烤雞都幾大隻用辣椒醬整到香香辣辣咁幾惹味，不過我覺得側邊嘅薯條更正，又香又脆又有咬口食到生多幾粒痱滋都抵。
呢件甜品好襯餐廳因為佢叫做木化石朱古力餅，個樣又真係好似木化石咁，其實佢係用朱古力加埋櫻桃整出嚟嘅甜品，鍾意朱古力味嘅老婆大人就非常鍾意佢。
我就鍾意呢件椰棗焦糖布甸多啲！布甸上面淋咗啲勁肥嘅拖肥醬，仲有啲蜂蜜脆脆同埋一球椰子雪糕，加埋一齊食口感好鬼豐富仲好香甜。
最後嘆多杯Orange tonic espresso我個肚就滿載而歸咁返屋企超爽皮。
張貼
