Lamlam脷

營業中

休息中

搬咗舖後店面大咗唔少，可以有埋堂食。以前蛋糕好早就會賣曬，依家供應量應該都有增加，今日7點前去到仲有幾款揀。千層蛋糕嘅口味會寫係小黑板上，定時都會更新。本身係想食開心果口味，可惜已經賣曬。唯有揀咗另外兩款熱賣口味，都係剩返一件。朱古力流心千層蛋糕 $35千層蛋糕餅皮好薄，忌廉都好滑。流心朱古力醬主要集中係餅尖位置，味道都偏甜。而蛋糕表面嘅可可粉有少少苦味，一齊食就啱啱好。培茶千層蛋糕 $38培茶味好香濃，仲帶有啲苦澀味。味道唔會好甜，食完都唔會覺得好膩。總括嚟講，新舖位置比以前方便，食物一直都保持到水準。但下次要早啲去買，可以試多幾款口味。