NUTTEA (時代廣場)

營業中

休息中

好耐都未試過出嚟銅鑼灣，如果唔係咁啱去到港島，都好少可會過嚟呢面，不過難得黎到就行咗入商場睇一睇，咁啱喺商場發現到呢間舖頭，我之前都喺旺角飲過，味道比一般嘅茶飲店健康，但係都只係提供外賣，冇得坐喺度飲，不過餐廳嘅裝修幾特別，開放式嘅廚房，另外門口都有五條堅果柱，飲品方面種類都好多，有堅果奶、堅果奶蓋茶、堅果奶·茶、法蘭絨手沖精品咖啡、特選好茶、堅果汁和水果茶。另外都有啲限定嘅供應 呢度嘅奶係堅果奶，所以真係好少有，黎到我都專登叫堅果嚟試一試。我就叫咗伯爵堅果奶蓋茶，茶味好香醇，再將奶蓋跟茶拌勻之後，個味道又折然不同，本來清涼嘅茶，入口就變得好滑，而且甜度冇一般嘅茶飲店咁甜，值得推介。下次有機會試埋佢其他嘅種類