NUTTEA (時代廣場)

營業中

休息中

第一次飲呢間 試左茉莉綠茶堅果奶蓋🍵 店員服務態度好好 有禮貌👍🏻 奶蓋估唔到咁好味 好厚實 仲有啲果仁喺上邊 有陣香香地嘅榛子味 嗌咗半糖 綠茶都好清新唔會苦澀 下次再試其他

係晚試18:00-19:00人流最多既時候，店員話因為要做清潔有化學劑所以暫停接單。有好多人走過去都買唔到～～唔明為何清潔會係繁忙時間做，係咪生意好到 有錢都唔賺？打開門口係係到時候做清潔～～叻其實野飲係好飲的，但營運管理有問題。祝生意興隆。

四季春開心果奶蓋，奶蓋非在茶面，是一舊舊飄浮在茶中的，接過茶飲時我也多次舉起望奶蓋在哪？沒關係，以為店裡的圖只是供參考，這次交了智商稅。看了這裡的食評，發現我那杯完全是錯體版。見那些「開心果奶（沒有蓋）」飄浮於茶中，唯有取一支木羹方便食用，以為木羹在格內，伸手去摸發現剛好取完，兩個店員就站在櫃台前，沒有給予幫助或說明，只有看著竊笑。（本來只想分享食物品質，這裡要最少200字食評）至於味道和口感，就像是放了搽麵包的開心果醬+茶，幸好只點了一杯，無下次。

一直都鐘意奶蓋,nuttea嘅奶蓋特別厚實＋堅挺多次幫襯,幫襯過旺角,尖沙咀,時代店…今次要咗美式咖啡堅果奶蓋茶,42蚊,但靚女落單嗰時問我奶蓋要原味定開心果定朱古力…我就以為可以換口味…因為店內嘅單張顯示只有"美式咖啡堅果奶蓋"點知收錢就收我47,我又一下子俾咗先反應,問靚女開心果奶蓋要加錢…??佢話唔使…原來店員自己都唔知係貴5蚊…所以就無話我知…佢話使唔使換原味退返5蚊,我話算了…其實我都係好奇問下唔熟悉都算…到佢整完杯嘢…就直接擺喺出餐處…一句聲都無講…靠我自己感知去攞的…真係上帝

5個staff 得我一個客，等咗勁耐都未出到我杯嘢飲。忍唔住問，先同我講話漏單。明明得我一個系到，好啦出咗杯嘢飲凍嘅。但我明明嗌熱嘅… 真系算了。36蚊 豪俾你地5個staff啦。

🍴開心果奶蓋四季春 $40 (7.8/10)見到新出開心果奶蓋即試，食落好creamy，開心味味都幾出，幾好食！四季春茶底冇糖都夠濃，唔錯！推薦指數： 7.8/10可以一試，味道唔錯的。

植物奶奶茶，白爵朱古力堅果奶蓋茶，聽講過奶蓋係用堅果奶做出嚟嘅奶蓋，幾厚實，上邊仲會加少少堅果碎，叫咗個伯爵朱古力味嘅茶底，慣咗先飲奶蓋，飲唔慣甜嘢，但係呢個奶蓋都唔會覺得非常之甜，口感幾好，夾埋茶一齊飲，比較夾啲，飲完一杯有啲頂肚，個friend飲個杯宇治抹茶就冇伯爵朱古力咁好飲，但係佢嗰杯士多啤梨味嘅奶蓋都唔錯，早知道就轉士多啤梨奶蓋。

去之前係openrice 睇個營業時間係寫10am 開門，但去到分店原來係開11am，已經update 左openrice，而家個營業時間變返正確。—另外銅鑼灣分店唔收現金，剩係可以用信用卡/ 八達通。—揀左每日限量供應既伯爵朱古力奶蓋 $48（走甜走冰）好rich 奶蓋，有少少鹹味，食落無咁膩，細細杯好快飲晒。奶蓋唔會搶左茶味，飲到茶底好 fresh，走甜都好易入口。好似無左之前既咭紙（啡色）手抽袋，變左$2 保溫袋。

order 左一杯熱朱古力榛果堅果奶，等左好耐先整好，但只係室温嘅一杯奶水，淡而無味，要收成$40蚊，冇下次啦。個姐姐仲黑口黑面，又整得耐，唔知攪咩，又唔多人，得我一杯 order.

今次行過Times Square底層嘅City Super，發現Nuttea居然有分店喺度👀。記得上次試過佢哋嘅堅果奶蓋茶感覺幾正，所以今次決定再嚟個不一樣口味——烏龍茶配上招牌堅果奶蓋。跟住店家嘅指示，先用匙羹挖啖奶蓋，立即被滿滿嘅堅果香氣俘虜，唔使多，一啖已經頂呱呱🌰! 而且奶蓋滑溜溜，咸咸甜甜，完全唔似平時飲嘅芝士奶蓋，新鮮感十足。慢慢飲落去，烏龍茶嘅清香滋味如清泉般潤澤舌頭，提提神，去去膩，個人覺得茶香可以再濃啲，不過對於追求清新口感嘅我嚟講，啱晒。最賞心悅目嘅要數佢哋果啲環保飲管，唔似啲紙飲管咁易爛，用落心情都靚晒🌿。而家飲茶唔單止止渴，連環保都做到，真係一舉兩得。下次仲要試下佢哋其他款！

佢既外賣一樣咁出色送到黎舊奶蓋唔會溶左而且每一杯都會有一樣紙封實個奶蓋以防運送途中倒瀉非常貼心👍🏼台灣紅玉堅果奶蓋茶走糖飲到好濃既紅茶味不過建議大家叫微糖應該會更加好飲奶蓋依然係咁重NUTS味奶蓋係好綿厚 飲完每次都好飽但係好滿足

夏天少不了一杯茶飲，可惜即使叫少甜/微糖多飲也不健康，更何況我是個奶蓋超級愛好者，幸好我遇到了@nuttea_hongkong 🤍「友善動物，善待地球」一間以環保飲食作理念，飲品並無添加牛奶及奶精的全素茶飲店，味道的確有驚艷到我耶😍✨四季春堅果奶蓋茶奶蓋面有少量堅果碎裝飾，口感非常綿滑醇厚，咸咸甜甜香濃堅果味比一般的奶蓋更吸引🤤四季春雖然茶味不太濃但甘香清甜不苦澀，一口奶蓋一口茶清新又不膩👍🏻

肥肥胖胖高高的女服务生玩完手机不洗手就拿物料冲奶茶的，很恶心，不好饮，太差劲了👎的咖啡奶茶，和喝水一样，对比街边茶餐厅的奶茶咖啡差的太多了，没有饮过咖啡奶茶☕️的人才喜欢这种的东西，也不能健康，我认为珍珠奶茶🧋还比这个好，不过最好还是不要喝这种东西，。

今日嚟到銅鑼灣飲nuttea，之前已經聽過好出名健康主打，佢係以五道堅果「腰果、核桃、杏仁、榛果、夏威夷果」經冷壓萃取乳化後製成，好適合戒口人士。伯爵巧克力堅果奶蓋茶 甜度可自由選擇，底層係伯爵優雅茶香，好順喉絕不澀口，朱古力奶蓋用五種堅果研磨與朱古力混合，最後係表層灑上厚厚的可可粉，朱古力嘅香濃苦甜，奶蓋濃郁綿密，完全停唔到口，飲到最後均勻攪拌，可以喝到奶茶味，勁滿足。蘋果脆脆楓糖堅果奶蓋茶開頭以為有楓糖會好甜，但楓糖味係成杯飲品嘅加分位，蘋果脆脆加埋茶底一齊飲，好fresh好開胃，就算有奶蓋，一啲都唔漏，中意楓糖嘅朋友仔可以試試！

每次嚟到銅鑼灣，見到好多珍珠奶茶店呢排鍾情健身嘅我，都會好想戒口飲杯。前幾日有朋友介紹我嚟到呢一間飲堅果嘅健康飲品本身好怕肥嘅我，聽完佢同我介紹佢嘅飲品，係用健康嘅堅果整成，而且口感好Creamy 。於是聽佢介紹飲翻杯。店員好有禮貌，向我哋介紹飲品最後叫咗一杯伯爵茶朱古力堅果奶蓋茶朋友就叫咗期間限定蘋果脆脆楓糖堅果奶蓋茶杯朱古力堅果，一開始見到我以為都係坊間嗰啲普通嘅奶蓋茶，但係一飲入口，佢上邊嘅奶蓋，味道好濃郁，然後底嗰浸查就會再跟住入口。成個感覺好夾偷偷地試咗朋友個杯期間限定，未到唔係好濃郁，但係淡淡的蘋果加茶都十分好味終於搵到一間代替邪惡飲品嘅店舖