更多
2016-06-17
1056 瀏覽
今早到呢度食早餐由一開始無咩人食到依家多左好多人食呢份早餐HKD39,連餐飲值得一讚係個兵加腸,入邊加左九層塔葉,幾特別,係出面冇試過。窩夫賣點係自家製,唔太甜,夠鬆軟,個邊仲有少少脆添。呢份HKD42,連餐飲呢份餐有車厘茄或菇選擇。車厘茄上碟係有加熱過,但個熱度又未至令茄皮爆裂,車厘茄係完整咁上枱,食落有D微暖。有段小插曲,話說當畀完錢,坐低咗,先發現佢落咗太陽蛋。由於我其實好易肚痛唔舒服,所以唔會食生蛋,包括太陽蛋。點知同counter 個人話想轉熟蛋時,佢係話「我地今日好忙,轉唔到」真,第一次轉熟蛋被拒絕雖然最後係果個人既同事打完場咁幫我轉左,但我真係唔明反一反蛋真係咁耐?而且我份餐係咁咁落單,係我份餐前仲有兩三份未上丫!提外話,隔咗一陣,聽到又有個女人要求轉熟蛋,個counter 人兄繼續拒絕,個女人反問左句「反一反蛋之喎,好簡單丫!」counter 人兄最後都係屈服咗!呢度除咗counter 人兄外,其他人態度都好好而且,呢度嘅窩夫係好味的,似係啱啱整起,配埋個微暖的蜜糖,真係超正奶茶,原本點餐時要咗一壺紅茶同一杯奶茶,點知落咗兩壺紅茶!但有計,因為紅茶會畀多一杯奶,自己因應
由一開始無咩人食到依家多左好多人食 呢份早餐HKD39,連餐飲
值得一讚係個兵加腸,入邊加左九層塔葉,幾特別,係出面冇試過。
窩夫賣點係自家製,唔太甜,夠鬆軟,個邊仲有少少脆添。 呢份HKD42,連餐飲
呢份餐有車厘茄或菇選擇。車厘茄上碟係有加熱過,但個熱度又未至令茄皮爆裂,車厘茄係完整咁上枱,食落有D微暖。
有段小插曲,話說當畀完錢,坐低咗,先發現佢落咗太陽蛋。由於我其實好易肚痛唔舒服,所以唔會食生蛋,包括太陽蛋。點知同counter 個人話想轉熟蛋時,佢係話「我地今日好忙,轉唔到」
真,第一次轉熟蛋被拒絕
雖然最後係果個人既同事打完場咁幫我轉左,但我真係唔明反一反蛋真係咁耐?而且我份餐係咁咁落單,係我份餐前仲有兩三份未上丫!
提外話,隔咗一陣,聽到又有個女人要求轉熟蛋,個counter 人兄繼續拒絕,個女人反問左句「反一反蛋之喎,好簡單丫!」counter 人兄最後都係屈服咗!
呢度除咗counter 人兄外,其他人態度都好好
而且,呢度嘅窩夫係好味的,似係啱啱整起,配埋個微暖的蜜糖,真係超正 奶茶,原本點餐時要咗一壺紅茶同一杯奶茶,點知落咗兩壺紅茶!但有計,因為紅茶會畀多一杯奶,自己因應份量落,自製奶茶
張貼