Little Tipsy Restaurant & Bar (已結業)

之前係這間餐廳食過Dinner 覺得唔錯。今次試埋Lunch。所有人都係叫肉眼扒😂Medium。配菜有沙律同炸蕃薯。炸蕃薯好好味，甜甜地，份量都好足。塊排真心每個人都讚。煎到表面有D焦脆，入邊仲保持嫩既狀態。個汁似係黑椒燒肉汁，夠濃。是日餐湯係洋蔥湯，不過陣味似豉油湯多D。有D鹹，要配餐包食。我又唔中意浸淋個包個包配牛油食，略嫌硬左D勝在夠大舊，唔係薄塊個種。飲品我叫左杯黑糖薑母拿鐵，少甜。係用真薑磨汁，因為飲既時候有飲到D薑渣味道啱啱好。朋友試椰汁咖啡，我試左，都好好味。主菜部份所有都好滿意，係前菜爭DD。餐廳有格調，環境好會encore既一間餐廳。